Foto: Sý resýrstary jáne ırrıgasııa mınıstrligi
Máselen, Ulytaý oblysyndaǵy Kengir sý qoımasynan jáne Qaraǵandy oblysyndaǵy Jezdi sý qoımasynan 331 mln tekshe metr sý jiberilip, Qyzylorda oblysyndaǵy Telikól kólder júıesine baǵyttaldy.
Mınıstrliktiń málimetinshe, vegetasııalyq kezeńde Jambyl oblysyndaǵy Tasótkel sý qoımasynan 1,5 mlrd tekshe metr sý jiberilgen. Bul sý Túrkistan oblysy Sozaq aýdany aýmaǵyna deıin ótip, sońǵy 10 jylda baıqalmaǵan 100 shaqyrym aýmaqqa jetken.
«Pavlodar oblysyndaǵy Ertis ózeniniń jaıylmasyna tabıǵatty qorǵaý úshin Abaı oblysyndaǵy Shúlbi sý qoımasynan 6,3 mlrd tekshe metrden astam sý jiberildi. Bul jumystar Ertis ózeniniń jaıylmasyndaǵy flora men faýnanyń bıologııalyq ónimdiligi men tirshilik etý ortasyn saqtaýǵa baǵyttalǵan.2025 jyldyń basynan búginge deıin Qapshaǵaı sý qoımasynan Balqash kóline 3,8 mlrd tekshe metr sý jiberildi. Bir jyl ishinde Balqash kóliniń deńgeıi Baltyq júıesi boıynsha 341,52 metrden 341,64 metrge kóterilip, 12 santımetrge ósti. Al sý kólemi 2 mlrd tekshe metrge artty», delingen habarlamada.
Aıta keteıik, qazirgi ýaqytta Almaty jáne Jetisý oblystaryndaǵy sý qoımalary 99%-ǵa toldy. Bul byltyrǵy deńgeımen shamalas. Jambyl oblysyndaǵy sý qoımalary 90,3%-ǵa toldy. Bul bir jyl burynǵydan 43 mln tekshe metrge artyq.
Shý-Talas sý sharýashylyǵy komıssııasynyń 35-otyrysynda Sý resýrstary jáne ırrıgasııa mınıstrligi qyrǵyzstandyq áriptesterimen elimizge jetkiziletin sýdyń kólemi jóninde kelisimge kelgenin aıta keteıik. Sýarý maýsymynda Shý ózeni arqyly 180 mln tekshe metr sý, Talas ózeni arqyly 400 mln tekshe metr sý keledi dep josparlanyp otyr.
Buǵan deıin Sý resýrstary jáne ırrıgasııa mınıstrligi Tájikstan, Túrikmenstan jáne О́zbekstan elderiniń sý salasyndaǵy mekemelerimen kelisimge keldi. Nátıjesinde sýarý maýsymynda Túrkistan oblysyndaǵy Shardara sý qoımasyna Syrdarııa ózeni arqyly 3,7 mlrd tekshe metr sý baǵyttalatyn boldy.
Vegetasııalyq kezeńde Shardara sý qoımasyna Syrdarııa arqyly 12,6 mlrd tekshe metr sý kelip tústi. Bul bastapqy boljamnan 1,7 mlrd tekshe metrge artyq.
Jaqyn arada Qazaqstan, Tájikstan jáne О́zbekstannyń sý sharýashylyǵy mekemeleri «Bahrı Tochık» sý qoımasynan bıylǵy maýsymnan tamyz aıyna deıingi kezeńde sýdy bólý máselesin talqylaıdy. Vegetasııalyq kezeńniń sharyqtaý sheginde Qazaqstanǵa 491 mln tekshe metr sý jetkiziledi dep kútilip otyr.
Sýarý maýsymynyń turaqty ótýi úshin mınıstrlik 627 km ırrıgasııalyq kanaldy mehanıkalyq jolmen tazartyp, 488 gıdrotehnıkalyq nysandy jóndeý jumystaryn júrgizdi. Jalpy 517 gıdrotehnıkalyq qurylymdy jóndep, 2000 km-den astam kanaldy tazartý josparlanǵan. Byltyr 1147,7 km kanal tazartylǵan bolatyn.
Bul jumystardy júzege asyrý maqsatynda mınıstrlik «Qazsýshar» fılıaldary úshin 757 arnaıy tehnıka satyp alýdy bastady. Qazirgi tańda 303 tehnıka jetkizilip, olar kanaldardy mehanıkalalyq jolmen tazartý jáne gıdrotehnıkalyq nysandardy jóndeýjumystaryna belsendi qoldanylyp jatyr.
«Jyl saıyn sýarýǵa paıdalanylatyn 12 mlrd tekshe metr sýdyń 98%-yn elimizdiń bes ońtústik óńiri - Almaty, Jambyl, Túrkistan, Qyzylorda jáne Jetisý oblystary tutynady. Sý shyǵynyn azaıtý úshin biz sý únemdeıtin tehnologııalardy engizýdi yntalandyratyn sharalar qabyldadyq. Atap aıtqanda, mundaı tehnologııalardy ornatýǵa beriletin sýbsıdııalar jáne olardy qoldanatyn sharýalarǵa sýǵa beriletin sýbsıdııalar qarastyrylǵan. Sonymen qatar ósiriletin daqyl túrine jáne olardyń sýdy qanshalyqty tutynatynyna qaraı sýarmaly sýǵa saralanǵan tarıf engizý máselesi qaralyp jatyr», dedi Sý resýrstary jáne ırrıgasııa mınıstri Nurjan Nurjigitov.
