Foto: Jambyl oblysy boıynsha Memlekettik kirister departamentiniń Baspasóz qyzmeti
Tólegen Sársembaev qarjylyq baqylaý jáne salyq salasynda 30 jyldan astam eńbek ótili bar tájirıbeli maman. Ol eńbek jolyn 1993 jyly bastap, Almaty qalasynyń salyq organdarynda túrli laýazymdarda qyzmet atqarǵan.
Memlekettik kirister jáne salyq organdaryndaǵy basshylyq qyzmetterin kelesideı kezeńder qamtıdy:
- 2005–2008 jyldary Qyzylorda oblysy boıynsha Salyq komıtetin basqardy;
- 2009–2013 jyldary Jambyl oblysy boıynsha Salyq departamentiniń basshysy boldy;
- 2013–2014 jyldary Shyǵys Qazaqstan oblysy boıynsha Memlekettik kirister departamentin basqardy;
- 2014–2017 jyldary Pavlodar oblysy boıynsha Memlekettik kirister departamentin basqardy;
- 2019–2020 jyldary Almaty oblysy boıynsha Memlekettik kirister departamentiniń basshysy qyzmetin atqardy.
Sondaı-aq Tólegen Sársembaev Ońtústik Qazaqstan jáne Túrkistan oblystary ákimderiniń orynbasary, Almaty oblysy ákiminiń apparatynyń basshysy sekildi jaýapty laýazymdardy atqarǵan.
Sońǵy jyldary ol QR Qarjy mınıstriniń keńesshisi, Densaýlyq saqtaý mınıstrligi apparatynyń basshysy sııaqty respýblıkalyq deńgeıdegi qyzmette bolǵan.
Jańa basshyny tanystyrý kezinde Erǵalı Egemberdy Tólegen Sársembaevtyń kásibı tájirıbesi men basshylyq qabiletine joǵary baǵa berip, Jambyl oblysynyń salyq jáne kirister júıesin odan ári damytýda sáttilik tiledi.
