Astana qalasy Polısııa departamentiniń kıberqylmyspen kúres basqarmasynyń bastyǵy Talǵat Bólegenov ınternet alaıaqtyqtyń keń taraǵan túrlerin atady, dep habarlaıdy inbusiness.kz saıty.
- Eger kúmándi siltemelerdi baıqasańyz, siltemege ótpeńiz, tipti ol jeke tanıtyn adamnan kelse de. Sebebi paraqsha nemese saıt buzylǵan bolýy múmkin. Sondaı-aq eshkimge sms arqyly kelgen kodty, bank kartasynyń qupııasózderin nemese jeke derekterdi berýge bolmaıdy, ásirese ózin bank nemese memlekettik organ ókili retinde tanystyrǵan adamǵa, - dedi Talǵat Bólegenov Astana qalasy kommýnıkasııalar qyzmeti alańynda ótken baspasóz máslıhatynda.
Alaıaqtyqtyń keń taraǵan 5 tásili:
1. Alaıaqtar ózderin bank qyzmetkeri retinde tanystyryp, kúmándi tranzaksııa silteme jasap, jeke derekterdi suraıdy;
2. Onlaın saýda: joq taýar jarnamasyn jarııalap, aldyn ala tólem alǵan soń, habarsyz ketedi;
3. Fıshıng saıttary: resmı saıttarǵa uqsas jalǵan resýrstar arqyly qoldanýshylardyń logın, qupııa sózderin ıemdenedi;
4. Investısııalyq alaıaqtyq: qolaıly ınvestısııalyq múmkindik retinde usynylǵan alaıaqtyq platformalar salym jınap, qarajatty sheshýge kelgende alaıaqtyq áreket bolyp shyǵady;
5. Messendjerlerdi buzý: paraqshalardy buzyp, tanys adamyńyzdyń atynan aqsha surap habarlama jiberedi.
