Sýret: bilimainasy.kz
Jıyndy jýrnalıstıka jáne áleýmettik ǵylymdar fakýltetiniń dekany Nurjan Qýantaıuly júrgizip, professor Ishanovanyń ǵylymı-shyǵarmashylyq jolyna arnalǵan arnaıy beınerolık kórsetildi. Ýnıversıtet atrıýmynda ǵalymnyń ǵylymı eńbekteri men baspasózdegi jarııalanymdarynan quralǵan kórme kópshilik nazaryna usynyldy.
Mazmundy is-shara barysynda Memlekettik keńesshi Erlan Qarınniń professor Ásıma Qalımqyzyna arnalǵan quttyqtaý haty oqyldy. Eldik deńgeıdegi joǵary marapat pen lebizde ǵalymnyń otandyq fılologııa men jýrnalıstıka salasyna qosqan súbeli úlesi aıryqsha ataldy. Sondaı-aq L.N.Gýmılev atyndaǵy EUÝ rektory E.Sydyqovtyń quttyqtaý hatynda da mereıtoı ıesiniń otandyq ǵylym men jýrnalıstıka biliminiń órkendeýine sińirgen eńbegi erekshe atap ótildi.
Ǵylymı jıynǵa akademık Baýyrjan Omaruly, professor Saýytbek Abdrahmanov, sondaı-aq kórnekti fılologter men BAQ ókilderi sóz sóılep, júrekjardy lebizderin bildirdi. Belgili pýblısıst, ǵalym Saýytbek
Abdrahmanuly Ásıma Ishanovanyń ustazdyq jáne ǵylymı jolynyń erekshelikterine toqtalyp, ustaz bolý men ǵalym bolýdyń úılesimdi tustaryn naqty mysaldarmen sıpattady. «Ǵalym – tek zertteý júrgizip, maqala jazatyn adam emes. Ǵalym – urpaqqa baǵyt-baǵdar beretin tulǵa. Ásıma Qalımqyzy – sol údeden shyǵyp kele jatqan sanaýly jannyń biri. Ádebıet pen jýrnalıstıkanyń qıylysyndaǵy irgeli izdenisteri bolashaq zertteýshilerge baǵdarsham bola alady», dedi ol.
EUÝ-diń fılologııa fakýltetiniń dekany, aqyn, fılologııa ǵylymdarynyń kandıdaty Serikzat Dúısenǵazy da mereıtoı ıesiniń adamdyq kelbeti men ustazdyq parasatyna erekshe toqtaldy. «Professor Ásıma Ishanova – akademııalyq ortada ǵana emes, shákirt júreginde de orny bólek tulǵa. Ustaz ben shákirt arasyndaǵy rýhanı baılanysty Ásıma Qalımqyzy árqashan joǵary deńgeıde ustaı bildi. Onyń sabaǵynan rýhanı nár alǵan qanshama túlek búginde el qyzmetinde júr», dedi fakýltet dekany.
Sonymen qatar sóz alǵan túlekteri – Abai TV dırektory Erkin Muhamedjanov, «Almaty» telearnasynyń bas dırektory Tımýr Bazarbaev, Parlament Senatynyń ókili Marıam Kusaınova, medıamenedjer Mahabbat Esen jáne basqa shákirtteri ustazdaryna degen zor alǵystaryn bildirip, ol kisiniń adamgershilik qasıeti men pedagogıkalyq ádisteriniń ómirlik joldaǵy baǵyt-baǵdary bolǵanyn aıtty.
Ǵylymı baıandamalar legi professordyń shyǵarmashylyǵyna arnalǵan mazmundy oılarmen jalǵasty. Atap aıtqanda, Reseıdiń M.V.Lomonosov atyndaǵy MMÝ professory Irına Karabýlatova qazaq, qytaı jáne orys folklorlaryndaǵy «áıel sulýlyǵy» uǵymyn kreatıvti ındýstrııa turǵysynan jan-jaqty saralady.
Konferensııa aıasynda úsh baǵytta seksııalyq májilister uıymdastyrylyp, onda jasandy ıntellekt, artmedıa, áleýmettik medıa, kreatıvti ekonomıka men bilim júıesindegi ózekti máseleler qarastyryldy.
Erlan KIIKBAI,
L.N.Gýmılev atyndaǵy Eýrazııa ulttyq ýnıversıtetiniń stýdenti
