Foto: ashyq derekkóz
Atalǵan bastama Qazaqstan Prezıdenti Qasym-Jomart Toqaevtyń bıylǵy aqpanda Iordanııaǵa jasaǵan resmı sapary barysynda qol jetkizilgen ýaǵdalastyqtardyń jalǵasy. Sapar qorytyndysynda ıordanııalyq tarap Qazaqstanmen áýe qatynasyn ornatýǵa múddelilik bildirgen bolatyn.
Kezdesý aıasynda taraptar áýe qozǵalysyn quqyqtyq turǵyda retteıtin kelisimge qol qoıý múmkindigin qarastyrdy. Hamza Ál-Omarı myrza «Royal Jordanian» ulttyq áýe kompanııasy 2026 jyldyń maýsym aıynan bastap Qazaqstanǵa aptasyna eki ret turaqty reıs oryndaýdy josparlap otyrǵanyn jetkizdi. О́z kezeginde qazaqstandyq tarap qoldanystaǵy halyqaralyq kelisimder sheńberinde qajetti rásimder men ınfraqurylymdyq qoldaýdy kórsetýge daıyn ekenin málimdedi.
Sondaı-aq kezdesý barysynda teńiz qatynasy salasynda da ózara yntymaqtastyq máseleleri sóz boldy. Atap aıtqanda, qos tarap elder arasynda teńiz kóligi ekıpajdarynyń dıplomdaryn ózara taný týraly kelisimge qol qoıý merzimderin naqtylap, ony júzege asyrý joldaryn pysyqtady.
Bul kezdesý Qazaqstan men Iordanııa arasyndaǵy kólik jáne logıstıka salasyndaǵy áriptestikti tereńdetip, qos el arasyndaǵy ekonomıkalyq jáne mádenı baılanystardy odan ári nyǵaıtýǵa negiz bolmaq.
