Atalǵan zań jobasy azamattyq qorǵaý salasyndaǵy ózekti máselelerdi keshendi túrde sheshýge, quqyqtyq normalardy jetildirýge jáne jaýapty organdardyń tıimdiligin arttyrýǵa baǵyttalǵan.
Zań jobasynyń negizgi jańalyǵy — azamattyq qorǵaý organdary qyzmetkerleriniń mártebesin bekitý jáne áleýmettik jaǵdaıyn arttyrý. Bul qadam el qaýipsizdigin qamtamasyz etetin mamandardyń qyzmetin qadirleýdiń naqty kórinisi.
Sondaı-aq, memlekettik materıaldyq rezerv júıesin ortalyqsyzdandyrý, órtke qarsy baqylaýdy qalpyna keltirý, seısmıkalyq qaýipsizdik júıesin jańǵyrtý, qorǵanysh qurylymdaryn quqyqtyq kadastrda tirkeý jáne qaýipti aımaqtarda júrgen týrıster úshin habarlaý tártibin bekitý syndy normalar engizildi.
Jumys tobynyń talqylaýlary barysynda zań jobasyna depýtattar tarapynan 600-den astam túzetý usynylyp, olardyń basym bóligi naqtylaýdan ótip, zańnamalyq tehnıkanyń talaptaryna saı jetildirildi.
Atap aıtqanda:
-
qyzmettik turǵyn úıdi jekeshelendirý múmkindigi jáne turǵyn úı tólemderi arqyly azamattyq qorǵaý organdary qyzmetkerleriniń turǵyn úı máselesin sheshý;
-
órt kezinde úshinshi tulǵalarǵa keltirilgen zııan úshin jaýapkershilikti mindetti saqtandyrýdy engizý;
-
erikti órt sóndirýshilerge eńbek kepildigi men ótemaqy tóleý quqyǵyn belgileý;
-
ınvestısııalyq tartymdylyqty arttyrý úshin ınflıasııalyq táýekelderdi eskeretin elektr qýatyna jeke tarıfter engizý;
-
memlekettik múlikti jekeshelendirýdiń ashyqtyǵyn arttyrý maqsatynda úlestes tulǵalardyń aýksıonǵa qatysýyna tyıym salý sekildi túzetýler zań jobasynyń áleýetin arttyra tústi.
Sonymen qatar, korporatıvtik basqarý, ónerkásiptik qaýipsizdik, avarııalyq-qutqarý qyzmetteriniń ınfraqurylymdyq múmkindikteri, jekeshelendirý tetikterin jetildirý syndy salaaralyq máseleler de qamtyldy.
Zań jobasyn daıyndaý barysynda múddeli memlekettik organdar, úkimettik emes uıymdar, kásibı qaýymdastyqtar jáne sarapshylar qatysqan 36 jumys tobynyń otyrysy jáne 2 keńeıtilgen talqylaý ótkizildi. Bul – zańnamalyq jumystyń ashyq ári ınklıýzıvti júrgizilgenin kórsetedi.
Parlament Májilisiniń beıindi komıtetteri oń qorytyndy bergen zań jobasy endi Senat qaraýyna usynyldy.
