Foto: depositphotos.com
Isti Qarjylyq monıtorıng agenttiginiń Astana qalasy boıynsha departamenti tergegen. Tergeý derekteri boıynsha, 2020 jyly sottalýshylar TOO «Olımp Trans Servıs» kompanııasy atynan Ereımentaý aýdanynda jel elektr stansııasyn salýǵa 23,2 mlrd teńgege shart jasaǵan.
Alaıda, jasalǵan sharttardyń jalǵan ekeni anyqtalǵan. Aqsha seriktes kompanııalardyń esepshottaryna aýdarylyp, keıinnen qolma-qol aqshaǵa aınaldyrylǵan. Nátıjesinde memleketke 8,5 mlrd teńgeden astam zalal keltirilgen.
«Sot úkimimen Belenseva kinəli dep tanylyp, oǵan 8 jyl 6 aı, Mergenbaevqa 6 jyl 8 aıǵa bas bostandyǵynan aıyrý jazasy taǵaıyndaldy», delingen sot habarlamasynda.
Sonymen qatar, 8,5 mlrd teńge kólemindegi azamattyq talap qanaǵattandyrylyp, oǵan sáıkes qazirgi ýaqytta quny 13 mlrd teńgeden asatyn múlikke (zaýyt, demalys bazasy, arnaıy tehnıka men kólikter) tutqyn salynǵan.
Múlikke salynǵan tyıym azamattyq talap tolyq oryndalǵanǵa deıin saqtalady.
Aıta keteıik, úkim zańdy kúshine engen joq.
