Keıingi kezderi barystyń fototuzaqqa túsýi bálendeı jańalyq bolmaı qaldy. Nege deısiz ǵoı, Altaıda ilbistiń bary birneshe ret dáleldendi. Alǵashynda ǵoı, 2014 jyly qar barysy Arshatyda fotoǵa túsip, búkil el eleń etken. Barystyń bary da sol jyldary anyqtalǵan. Áıtpese oǵan deıin ormanshylardyń kórdik degen áńgimesi ańyz sekildi edi. Qazirgi ýaqytta Ulttyq park aýmaǵynda 11 barys jortyp júr desedi mamandar.
– Altaıda ańnyń qaı túri bolsyn kóbeıip keledi. Sonyń ishinde erekshe den qoıyp, únemi sýretke túsirip júrgenimiz – qar barysy. Arshatynyń taýlarynda, Sarymsaqty jotasynda, bıyl Búrkit shyńynda barystyń bary anyqtaldy. Sanaq júrgizip, tirkep otyrmyz, – deıdi janýarlar álemin qorǵaý jáne óndirý bóliminiń basshysy Erik Qasymov.
Bulardyń eńbegi de erekshe. Aq qar, kók muzda 3000 metr bıikke jaıaý-jalpy shyǵyp, ilbistiń jymyna fototuzaq qurý ońaı emes. Qurylǵyny ornatyp qana qoımaı, únemi tekserip otyrý qajet. Shapshyma shyńǵa bir emes, birneshe ret shyǵyp júrgen Erik syndy mamandardyń isi – erlik.
Aıta keterligi, olar qurǵan tuzaqqa barys qana emes, taýdyń bıigin meken etetin aıý syndy iri ańdardan bastap, kekilik syndy qustarǵa deıin túsedi. Olardyń barlyǵyna kúz ben kóktemde sanaq júrgizilip, dápterge tirkelip otyrady.
Shyǵys Qazaqstan oblysy,
Katonqaraǵaı aýdany
