Qostanaı qalasy ákiminiń orynbasary paramen ustaldy

QOSTANAI. 3 tamyz. Qostanaı qalasy ákiminiń orynbasary Maqsut Qalıev para alyp jatqan jerinen ustaldy. Bul týraly egemen.kz tilshisi habarlady. Memlekettik qyzmet jáne sybaılas jemqorlyqqa qarsy is-qımyl agenttigi oblystyq departamentiniń qyzmetkerleri Qostanaı qalasy ákiminiń orynbasary Maqsut Qalıevti «Syl» jaýapkershiligi shekteýli seriktestiginiń dırektory Ovnanıan Gagıkadan 13 mıllıon teńge para alyp jatqan sátinde ustady. Aldyn ala belgili bolǵan málimetter boıynsha, Maqsut Qalıev qalanyń syrtynda aeroport jaǵynda avtokólikterge arnalǵan halyqqa qyzmet kórsetý ortalyǵyn salyp jatqan «Syl» seriktestiginiń múddesin kózdegen. Ovganıannan alǵan para qurylystan «jymqyrylǵan» qarjynyń bir bóligi. Mamandar eger bul árekettiń joly kesilmegende qurylys úshin bıýdjetten bólingen bir mıllıard teńgeden asa qarjynyń jartysyna jýyǵy jymqyrylýy múmkin ekenin aıtýda. Názıra Járimbetova. Derek: egemen.kz. Sýret: tobolinfo.kz.