Foto: 123ru.net
Oqıǵa ornyna oblys ákimi Nurymbet Saqtaǵanov arnaıy barǵan. Ákim komıssııa múshelerine úndeý jasap, óndiristik jáne eńbek qaýipsizdigine qatysty qoldanystaǵy erejelerdi túbegeıli qaıta qaraý qajet ekenin aıtqan.
«Tynysh, beıbit zamanda óndiristegi qaýipsizdik talaptarynyń saqtalmaýy saldarynan adam ólimine jol berý múldem orynsyz. Kez kelgen mekeme úshin eń aldymen adam ómiri men densaýlyǵy mańyzdy bolýy tıis. Oblys ákimdigi atynan qaza tapqandardyń otbasyna qaıǵyra kóńil aıtamyn jáne jan-jaqty kómek kórsetiletinin jetkizemin. Sonymen qatar, tıisti organdarǵa oqıǵanyń sebepterin anyqtaý jáne kinálilerdiń jaýapkershiligin belgileý úshin tolyq ári ádil tergeý júrgizýdi tapsyrdym», dedi Nurymbet Saqtaǵanov.
Arnaıy komıssııa tóraǵasy, ShQO bas eńbek ınspektory Baqytbek Qızatovtyń aıtýynsha, oqıǵaǵa baılanysty on kún ishinde jan-jaqty tergeý júrgiziledi. Qajet bolǵan jaǵdaıda tergeý merzimi 30 kúnge deıin uzartylyp, salalyq sarapshylar tartylady. Tergeý qorytyndysy quqyq qorǵaý jáne sot organdaryna jiberiledi.
Oblys ákimi óndiristik jazataıym oqıǵalardyń aldyn alýda keshendi tásildiń mańyzdylyǵyn atap ótip, mundaı jaǵdaılarda qaýipsizdik pen eńbek qorǵaý máselesi aımaq basshylyǵynyń turaqty baqylaýynda bolatynyn jetkizgen.
Aıta keteıik, qaza tapqandardyń otbasylaryna respýblıkalyq bıýdjetten ótemaqy tólenip, saqtandyrý tetikteri arqyly da qajetti kómek kórsetilmek. Aımaq basshysy marqumdardyń týystarymen jeke kezdesip, olardyń nazardan tys qalmaıtynyn jáne barynsha qoldaý kórsetiletinin aıtqan.
