TARAZ. 20 maýsym. Jambyl oblysynyń ákimi Kárim Kókirekbaev jergilikti bıýdjet esebinen alynǵan 11 sanıtarlyq kóliktiń kiltterin emdeý mekemeleriniń basshylaryna tabys etti. Bul týraly egemen.kz tilshisi habarlady.
Atap aıtar bolsaq, Baızaq, Turar Rysqulov, Talas, Qordaı aýdandyq ortalyq aýrýhanalary men Taraz qalasyndaǵy birneshe emdeý mekemeleri jańa tehnıkaǵa ıe boldy.
Búginde Jambyl oblysy halqynyń densaýlyǵy úshin 42 aýrýhana, sonyń ishinde 10 ortalyq aýdandyq aýrýhana jáne 7 aýyldyq aýrýhana, sondaı-aq, 377 ambýlatorııalyq-emhana qyzmet etedi. Elimizde densaýlyq saqtaý salasyn damytý, turǵyndarǵa zamanaýı, qoljetimdi ári sapaly medısınalyq qyzmet kórsetýde barlyq jaǵdaı jasalýda.
«Sondyqtan búgingi kúni densaýlyq saqtaý salasyndaǵy eń basymdy baǵyttardyń biri – ana men balanyń densaýlyǵyn qorǵaý bolyp tabylady, – deıdi Jambyl oblystyq densaýlyq saqtaý basqarmasynyń basshysy Erlan Masalımov – 2015 jyldyń 4 aıynyń nátıjesinde analar óliminiń kórsetkishi – 47,5 paıyzǵa tómendedi. Qazir oblys halqyna medısınalyq kómekti 2 751 dáriger jáne 9 834 orta býyn qyzmetkerleri kórsetýde. Sondaı-aq, jyldan jylǵa jas mamandar sany da ósip keledi. О́tken jyly oblysqa 121 jas maman kelse, onyń 73,6 paıyzy aýyldyq jerlerge jumysqa ornalastyryldy».
Sonymen qatar, óńirde respýblıkalyq jáne jergilikti bıýdjet esebinen 2010-2014 jyldar aralyǵynda 74 densaýlyq saqtaý nysanynyń qurylysy iske asyryldy.
Oralhan Dáýit.
Derek: egemen.kz.
Sýret: Vıktor Barbash.
