Foto: Erlan Omar
BQO boıynsha Qarjylyq monıtorıng agenttiginiń departamenti «Agrobıznes» baǵdarlamasy aıasynda memleket bólgen qarajatty jymqyrý faktisi boıynsha tergeýdi aıaqtaǵan.
Sonymen qatar, ol mal sharýashylyǵynyń aqparattyq júıesine jalǵan málimetter engizip, 2017–2021 jyldarǵa arnalǵan agroónerkásiptik keshendi damytý jónindegi ulttyq joba aıasynda 24 mln teńge kólemindegi sýbsıdııany zańsyz túrde ıemdengen. Sýbsıdııa alýdyń zańdylyǵyn kórsetý maqsatynda ol basqa sharýashylyqtardan asyl tuqymdy mal satyp alynǵany jóninde jalǵan qujattar tapsyrǵan.
Anyqtalǵandaı, kúdikti qylmystyq jolmen tapqan qarajatqa jer telimderin satyp alyp, onyń birinde saýda úıi men saýna salǵan. Bul múlikti jasyrý úshin ol nysandardy jaqyn týysynyń atyna rásimdegen.
«Sot sanksııasymen jalpy quny 198 mln teńge bolatyn múlikke — 2 jer telimine, saýda úıine, saýnaǵa jáne «Exeed LX» markaly avtokólikke — tyıym salyndy. Kúdiktige qatysty bultartpaý sharasy retinde qamaýǵa alý qoldanyldy», delingen habarlamada.
