Foto: «Farab» ámbebap-ǵylymı kitaphanasy
Halyqaralyq sımpozıýmnyń ashylýyna oraı Memleket basshysy Q.K.Toqaev, Senat tóraǵasy M.S.Áshimbaev, Májilis tóraǵasy E.J.Qoshanov, salalyq mınıstrlik basshylary men Qyzylorda, Jambyl oblysy ákimderi quttyqtaý hatyn joldap, sharaǵa tabys tiledi.
Aty aıtyp turǵandaı halyqaralyq sharaǵa túrki álemi elderinen О́zbekstannan jazýshy, pedagogıka ǵylymdarynyń doktory Qazaqbaı Iýldash, Qyrǵyzstan Jazýshylar odaǵy tóraǵasynyń orynbasary Kerimbek Qadyrahýnov, Parlament depýtattary men esimi elge málim qalamgerler qatysty.
Iri sharada «Qazaq gazetteri» JShS Bas dırektory Dıhan Qamzabekuly, Qazaqstan Jazýshylar odaǵynyń hatshysy Júsipbek Qorǵasbek, QR UǴA akademıgi, pedagogıka ǵylymdarynyń doktory, professor Ońalbaı Aıashev, Túrkııadan jetken mártebeli meıman Hajy Baıram ýnıversıtetiniń professory Jámılá Kynajy baıandama jasap, Marhabat Baıǵuttyń shyǵarmashylyǵy men qoǵamdyq qyzmeti týraly mazmundy oıyn ortaǵa saldy.
Sondaı-aq, muhıttyń arǵy jaǵynan jetken pedagogıǵa ǵylymdarynyń doktory Qýndýzhon Hýsanboeva men Petropavldan ádebıettanýshy ǵalym Botakóz Taǵudretovanyń beıne quttyqtaýlary kórsetildi.
Sımpozıýmnyń ekinshi bóliminde jazýshy Nurǵalı Orazdyń «Marhabbat» atty jańa pesasynan úzindi sahnalanyp, jazýshynyń ómirbaıany negizinde daıyndalǵan derekti fılm kópshilik nazaryna usynyldy.
Shara barysynda «Kıikoty ıisi sińgen qalam» ınstallıasııalyq kórmesi kópshilik kózaıymyna aınaldy. Arnaıy jasaqtalǵan kórmede jazýshy ómiriniń sońǵy kezeńinde paıdalanǵan jeke zattary men qujattarynyń túpnusqalary qoıyldy.
Shara sońynda stýdent-jastar arasyndaǵy respýblıkalyq shyǵarmashylyq baıqaý júldegerlerin qazylar alqasynyń tóraǵasy Ámirhan Meńdeke, oqýshylar arasyndaǵy «Marhabat oqýlary» oblystyq baıqaýynyń jeńimpazdaryn Túrkistan oblystyq mádenıet basqarmasynyń basshysy Ázimhan Qoılybaev marapattady.
Aıta keteıik, búgin Shymkenttegi J.Shanın atyndaǵy sazdy drama teatrda Marhabat Baıǵuttyń «Joǵalǵan jurnaq» qoıylymy sahnalanady.
