Sazger syry

Aqynnyń qos jyr jınaǵyna ár jyldarda jazǵan óleńderi men ánderiniń mátinderi toptas­tyrylǵan. Al «Saǵynysh-ǵumyr» atty partıtýralar jı­na­ǵyna sazgerdiń kópshilikke tany­mal týyndylarynyń orkestrge arnal­ǵan partıtýralary men notalary berilip otyr. Kitap jalpy ónersúıer qaýymǵa, sondaı-aq kásibı mýzykalyq oqý oryndaryna, ujymdarǵa arnalǵan. Tanystyrylymǵa memleket jáne qoǵam qaıratkerleri men zııaly qaýym ókilderi qatysty.

Jıynǵa Jazýshylar odaǵy­ Astana qalasyndaǵy fılıa­lynyń dırektory Baýyrjan Babajanuly modera­tor­lyq etti. Prezıdent keńesshisi, akademık Baýyrjan Omaruly kesh ıesine Memleket basshysy Qasym-Jomart Toqaevtyń Alǵys hatyn tabys etti. Úsh birdeı kitaptyń lentasy qıylǵan jıynǵa memleket jáne qoǵam qaıratkeri Kúlásh Shámshıdınova, jazýshy Álibek Asqarov, aqyndar Maraltaı Raıym­bekuly, Ábýbákir Smaıyl, Marjan Ershý, rejısser Gúlsına Merǵalıeva, basqa da zııaly qaýym ókilderi qatysyp, Elena Májıtqyzynyń aıtyskerlik, sazgerlik, aqyndyq qyry jaıynda lebizder men estelikter aıtyldy.

Belgili mýzykatanýshy Janǵalı Júz­baı Elena Ábdihalyqovanyń saz ónerindegi erekshe joly, onyń ár jylda­ry jazǵan kópshilikke tanymal týyndy­larynyń orkestr­ge arnalǵan partıtýralary men notalary berilip otyrǵan «Saǵy­nysh-ǵumyr» atty jınaǵy jaıynda keńirek aıtyp ótti.

Aıta keteıik, bul tanystyrylym óner ıesiniń jýyrda elordada ótken «Saǵynysh ǵumyr» atty mereıtoılyq keshiniń aıasynda uıymdastyryldy.