Shegirtkeniń zalaly men zardabyn zerttep, zerdeleý jumysyna 4 600-den astam maman tartylady. Bul ótken jylmen salystyrǵanda eki ese kóp. Zııankeske qarsy kúres maqsatynda 443 arnaıy búrikkish tehnıka paıdalanylady. Onyń qatarynda jerústi jeldetkish jáne shtangaly búrikkishter, aerozoldi gaz generatorlary (GARD), asa jeńil avıasııa (AJA) quraldary, ushaqtar men ushqyshsyz ushý apparattary (UUA) bar. О́ńirlerde jumysty jedel úılestirý úshin oblys ákimi orynbasarlary jetekshiligimen ákimdikter janynan jedel shtabtar quryldy. Bul týraly Ortalyq kommýnıkasııalar qyzmetinde ótken baspasóz konferensııasynda Aýyl sharýashylyǵy vıse-mınıstri Ermek Kenjehanuly baıandady.
Onyń aıtýynsha, asa qaýipti zııankesterge qarsy kúres sharalaryn jetildirý maqsatynda búrikkish tehnıkanyń óńdeý normalaryna qatysty normatıvtik-quqyqtyq aktilerge ózgerister engizildi. Hımııalyq óńdeý kezindegi jumys normalary edáýir tómendetildi, bul óz kezeginde tehnıka sanyn arttyrýǵa múmkindik berdi. Osylaısha, bıyl tartylǵan tehnıkanyń sany 443 birlikke deıin kóbeıtildi. Byltyr Túrkistan oblysynda júrgizilgen agrodrondardy qoldaný jónindegi qanatqaqty joba joǵary tıimdiligin kórsetti. Osyǵan baılanysty agrodrondar men búrikkishterdiń qunyn óteý úshin AО́K sýbektilerine ınvestısııalyq sýbsıdııa berý qaǵıdasyna ózgerister engizildi. Endi olardyń qunynyń 25%-y memleket tarapynan óteledi.
«Ushaqtarmen hımııalyq óńdeý kezinde óndirý normalary táýligine 1200-den 800 ga-ǵa deıin, asa jeńil avıasııa kemelerimen táýligine 1500-den 800 ga-ǵa deıin jáne aerozoldik gaz generatorlarymen táýligine 750-den 300 ga-ǵa deıin tómendedi», degen vıse-mınıstr, ótken jyly shegirtkege qarsy kúres sharalaryna bólingen qarajatty únemdeý esebinen qosymsha 53 dron (onyń ishinde 46 – óńdeý jumystaryna, 7 – monıtorıngke) jáne ınspektorlar úshin 68 avtokólik satyp alynǵanyn tilge tıek etti.
«FitoSpace» biryńǵaı avtomattandyrylǵan aqparattyq júıesin engizý jumysy júrgizilip jatyr. Bul joba «Ǵarysh Sapary» ulttyq kompanııasymen birlesip júzege asyrylýda. Sonymen qatar drondar men jasandy ıntellekt tehnologııalaryn qoldaný arqyly geoaqparattyq júıe ázirlendi. Bul monıtorıng tıimdiligin arttyrýǵa múmkindik beredi.
Shegirtkege qarsy kúres sharalaryn júrgizý boıynsha ekijaqty kelisimder aıasynda Qazaqstan irgedegi – О́zbekstan, Reseı, Qytaı, Qyrǵyz elderimen belsendi ózara is-qımyl jasap otyr. Aqparat almasý, shekara mańyndaǵy aýmaqtardy birlesip zertteý jáne zııankesterdiń mıgrasııasyna jol bermeý boıynsha úılestirilgen sharalar qolǵa alynǵan. Sonymen qatar Dúnıejúzilik azyq-túlik uıymy FAO sheńberinde alys jáne jaqyn sheteldermen shegirtkege qarsy kúres máseleleri jóninde aqparat almasý men yntymaqtastyq júzege asyrylyp jatyr.
Qazirgi jaǵdaı boıynsha, respýblıkalyq fıtosanıtarlyq dıagnostıka men boljamdar ortalyǵynyń deregine sáıkes, 1 485,7 myń ga jer zertteldi. Onyń 572,4 myń ga aýmaǵy shegirtkemen zalaldanǵan. Sonyń qatarynda 400,9 myń ga alqap óńdeýge jatady. Qazir 397,3 myń ga jer óńdeldi. Atap aıtqanda, Jambyl oblysynda – 29,4 myń ga, Túrkistan oblysynda – 367,3 myń ga. Barlyq is-shara Aýyl sharýashylyǵy mınıstrliginiń turaqty baqylaýynda.
