Ulybrıtanııada memlekettik tilge qatysty talap kúsheıtildi

ASTANA. 3 tamyz. Ulybrıtanııada memlekettik qyzmetkerlerge aǵylshyn tilinde erkin sóıleýge mindetteıtin talap qoıylatyn boldy. Bul týraly BBC habarlady. Osyǵan oraı Ulybrıtanııa úkimeti aǵylshyn tilin jetik bilmeıtin jáne halyqpen emin-erkin sóılese almaıtyn jandar bıýdjettik mekemelerge jumysqa tura almaıtynyn málimdedi. Bul talap negizinen halyqpen tyǵyz baılanysta jumys jasaıtyn mamandarǵa qoıylady. Soǵan baılanysty qyrkúıek aıynan bastap, densaýlyq saqtaý, jergilikti basqarý syndy qurylymdardyń mamandary aǵylshyn tilinen bilim deńgeıin anyqtaıtyn emtıhan tapsyrady. Bul synaq mektep baǵdarlamasyndaǵy GCSE júıesi boıynsha júrgiziledi. Sondaı-aq, ár mekemeniń basshylary qol astyndaǵy qyzmetkerlerdiń halyqpen aǵylshyn tilinde erkin sóılese alatyndyǵyn tekserýge mindetti. Elaman Qońyr. Derek: BBC. Sýret: peopleandcountries.com.