Respýblıkalyq ashyq týrnırge Túrkistan, Almaty, Qaraǵandy, Jambyl, Qostanaı oblystary men Shymkent qalasy, Qazyǵurt aýdanynyń úzdik shabandozdary qatysyp, baq synady.
– О́tken ǵasyrdyń 70-jyldarynan bastap, 1984 jylǵa deıin eki jylda bir ret, odan soń 1991 jylǵa deıin tórt jylda bir dúrkin búkilodaqtyq at sporty oıyndary uıymdastyrylyp, kókpardan KSRO chempıonaty ótip turatyn. Sol chempıonattarǵa 1980 jyldan bastap elimizdiń kókpar quramasynyń kapıtany retinde 1991 jylǵa deıin úzbeı qatysyp, toǵyz dúrkin KSRO chempıony ataǵyna qol jetkizdim. Atalǵan jarysqa úzbeı qatysqan menen basqa qazaq joq, – deıdi Ábilhan Daýylbaev.
Básekege qatysqan 8 komanda úsh kún boıy bas júldeni ózara sarapqa saldy. Tartysty ótken saıys nátıjesinde tórtinshi oryndy Almaty oblysynyń komandasy ıelenip, temir tulparǵa ıe boldy. Qola júlde Shymkent qalasynyń quramasyna buıyryp, shabandozdar 2 mln teńge kólemindegi qarjylaı syıaqyny qanjyǵalaryna baılady. Ekinshi oryndy enshilegen Túrkistan oblysynyń kókparshylaryna 3 mln teńge kóleminde júlde tabys etildi. Ulttyq oıynnyń maıtalmandary – Jambyl oblysynyń quramasy bas júldege qol jetkizip, 5 mln teńge qarjylaı syılyqqa ıe boldy. «Úzdik oıynshy» atalymyna Jambyl oblysynyń shabandozy Erǵalym Jaqsylyq laıyqty dep tanylsa, Shymkent qalasynyń oıynshysy Ádilet Mamyt «Úzdik qorǵaýshy», túrkistandyq Abylaıhan Nyshanbekov «Úzdik shabýylshy» atalymymen marapattaldy. Shardaradan kelgen Seıfýlla Nurhalyqovtyń «Saıan» atty tulpary «Úzdik sáıgúlik» atandy.
Túrkistan oblysy
