Memleket basshysynyń tapsyrmasy boıynsha Úkimet bıznes ahýaldy jaqsartý, ekonomıkany ártaraptandyrý qarqynyn arttyrý boıynsha júıeli sharalar qabyldap jatyr. Bul kapıtaldyń qosymsha aǵynyn qamtamasyz etýge, resýrstyq áleýetti arttyrýǵa jáne jańa ónerkásip óndirisin iske qosýǵa múmkindik beredi.
Premer-mınıstr ekonomıkanyń basym salalarynda jańa jobalardy júzege asyrý, tereń lokalızasııalaýdy qamtamasyz etý jáne halyqty jumyspen qamtýdy keńeıtý úshin ınvestorlarmen tyǵyz ózara is-qımyl júrgizýge basa nazar aýdardy.
«Memleket basshysy qazirgi geosaıası jáne ekonomıkalyq jaǵdaıda jeke ınvestısııalar tartý arqyly kásipkerlik belsendilikti arttyrý úshin qolaıly orta qurý basym baǵyt ekenin atap ótken edi. Biz sizdermen Qazaqstanda jumyspen qamtýdy arttyrýǵa jáne tereń lokalızasııalaýǵa yqpal etetin jańa óndiris oryndaryn qurýǵa múddelimiz. Yntymaqtastyqtyń jańa baǵyttarynyń áleýetin ashý jáne ekonomıkanyń basym sektorlarynda serpindi jobalardy iske asyrý mańyzdy. Ol úshin bizde barlyq jaǵdaı jasalǵan. Qazaqstan Úkimeti syndarly dıalogke ashyq jáne elimizdiń damýyna yqpal etetin sheshimderdi birlesip júzege asyrýǵa daıyn», dep atap ótti O.Bektenov.
Otyrys barysynda ınvestısııalyq saıasatty júzege asyrý, densaýlyq saqtaý jáne farmasevtıka ónerkásibin damytý, energetıka, ekologııa jáne munaı-gaz salasy, eńbek zańnamasy, adam kapıtalyn damytý, sıfrlandyrý máseleleri boıynsha birlesken jumys toptarynyń baıandamalary tyńdaldy. «Qazaqstandyq sheteldik ınvestorlar keńesi» qaýymdastyǵynyń basqarma tóraǵasy, Ortalyq Azııa men Kavkaz elderindegi EY basqarýshy seriktesi Erlan Dosymbekov, «ExxonMobil» Kazakhstan Inc. basqarýshy dırektory Sesıl Rolın, «Knaýf Gıps Qapshaǵaı» JShS Qazaqstan, Qyrǵyzstan jáne Tájikstan respýblıkalarynda marketıng jáne ótkizý jónindegi dırektory Dımıtrıı Propp, «KPMG Caucasus and Central Asia» basqarýshy seriktesi ári atqarýshy dırektory Sáken Jumashev, «Hımfarm» AQ bas dırektory Adam Alekseıýk, Eýropa qaıta qurý jáne damý bankiniń basqarýshy dırektory Hýseın О́zhan sóz sóıledi.
Spıkerler aldaǵy jumys ekologııalyq retteýdi, «bultty» tehnologııalar men jasandy ıntellektini, kóshi-qon normalaryn jetildirýge, jer qoınaýyn paıdalaný salasyndaǵy úderisterdi sıfrlandyrýǵa, Kaspıı teńizi deńgeıiniń tómendeýi máselesi boıynsha vedomstvoaralyq úılestirýdi kúsheıtýge, densaýlyq saqtaýǵa ınvestısııalar men tehnologııalardy tartýǵa baǵyttalatynyn atap ótti.
Investorlar kótergen máseleler boıynsha Ulttyq ekonomıka, Energetıka, Eńbek jáne halyqty áleýmettik qorǵaý, Sıfrlyq damý, ınnovasııalar jáne aeroǵarysh ónerkásibi, Densaýlyq saqtaý mınıstrlikteriniń basshylary túsindirme berdi. Máselen, Qazaqstanda bıznes ahýaldy jaqsartý boıynsha birqatar júıeli sharalar júzege asyrylyp jatyr.
Jergilikti jetkizýshilerdi qoldaýdy jáne olardy qosylǵan qun tizbegine biriktirýdi kózdeıtin «О́nerkásiptik saıasat týraly» zań qabyldandy. Turaqty bıznes-ekojúıeni qalyptastyrýǵa baǵyttalǵan 2029 jylǵa deıingi Investısııalyq saıasat tujyrymdamasy ózektendirildi. Jobalardy iske asyrý kezeńderin jeńildetetin ulttyq sıfrlyq ınvestısııalyq platforma iske qosyldy. Infraqurylymdyq qoldaý qamtamasyz etildi – ınvestorlarǵa arnaıy ekonomıkalyq, ındýstrııalyq jáne shaǵyn ónerkásiptik aımaqtardaǵy daıyn óndiristik alańdar usynylady. Jumys istep turǵan óndiristerdi júkteý jáne jańa qatysýshylardy tartý úshin uzaqmerzimdi sharttar men offteık-kelisimsharttar jasasý boıynsha jumys júrgizilýde.
Otyrys qorytyndysy boıynsha Premer-mınıstr memlekettik organdar men uıymdarǵa aıtylǵan máseleler men usynymdardy pysyqtaýdy tapsyrdy.
