Bul onyń «Álem shyńdaryndaǵy dombyra» atty biregeı jobasynyń bir bóligi boldy. Joba «Álemniń jeti shyńy» halyqaralyq bastamasy aıasynda júzege asyrylyp jatyr. Onyń maqsaty – qazaq mádenıetin, sonyń ishinde dombyramen oryndalatyn ulttyq mýzykany álemge tanytý jáne bul aspapty eń bıik shyńdardy baǵyndyrǵan mýzykalyq aspap retinde Gınnestiń rekordtar kitabyna engizý bolyp tabylady.
Aılend Pıkke baǵyttalǵan ekspedısııa 15 kúnge sozyldy jáne alpınıstiń bastamasymen uıymdastyryldy. Bul órleý ol úshin tek sporttyq jetistik qana emes, sonymen qatar patrıotızm men azamattyq jaýapkershiliktiń aıqyn kórinisi boldy. Álibek Konstıtýsııanyń mátinin elimizdiń Ata Zańyna degen qurmet belgisi retinde shyńǵa kóterýdi usyný maqsatynda Konstıtýsııalyq Sotqa júgindi. Konstıtýsııalyq Sot bul bastamany qoldap, Konstıtýsııanyń resmı mátinin usyndy.
Álibek bıiktik pen aýa raıynyń kúrdeli jaǵdaılaryna qaramastan, Konstıtýsııany Gımalaıdyń áıgili shyńdarynyń birine saltanatty túrde alyp shyǵý úshin barlyq synaqtardan ótti.
«Men úshin Konstıtýsııa – barlyq zańdardyń shyńy. Bul jaı ǵana qujat emes, bul – rýhanı tirek, birligimizdiń, quqyqtarymyz ben bostandyǵymyzdyń sımvoly. Ata Zań men dombyrany alyp shyqqanda men júk emes, kúsh sezindim. Ekspedısııanyń qatal jaǵdaılarynda olar meniń motıvasııamdy arttyryp, rýhymdy kúsheıttti. Aılend Pık shyńyn Qazaqstannyń dál osy nyshandarymen baǵyndyrǵanyma maqtanamyn», - deıdi Álibek.
Osy tarıhı órleý barysynda Álibek Everest eteginde uly qazaq kompozıtory Nurǵısa Tilendıevtiń 100 jyldyǵyna oraı onyń «Álqıssa» kúıin de oryndady.
Alpınıstiń taýdaǵy lagerlerde jáne kórshiles Nepal aýyldarynda oryndaǵan mýzykalyq óneri halyq tarapynan úlken yqylasqa ıe bolyp, ekspedısııany ulttar mádenıetiniń dıalogyna aınaldyrdy. Dombyra men Konstıtýsııa Qazaqstannyń beıbitshilik, ashyqtyq jáne ulttyq qadir-qasıet sımvoldaryna aınaldy.
Qaıyrbek Álibektiń bul jobasy kommersııalyq emes jáne halyqaralyq mádenı dıplomatııany nyǵaıtýǵa baǵyttalǵan.
