Montajdaý jumystary aıaqtalyp, aqparattyq júıeler daıyn bolǵannan keıin barlyq kanaldan jınalatyn derekterdi Sý resýrstarynyń Ulttyq aqparattyq júıesine ıntegrasııalaý josparda bar. Bul sýdy qabyldaý kólemderin taldaýǵa jáne josparlaýǵa múmkindik beredi.
«Memleket basshysy kem degende 3500 km sýarý kanaldaryn sıfrlandyrýdy tapsyrdy. Qazirgi tańda bul jumys Qyzylorda oblysynda da júrgizilip jatyr. Jobany iske asyrý sýdy tıimdi paıdalanýǵa, ony esepke alýdyń dáldigin arttyrýǵa jáne shyǵyndardy azaıtýǵa septigin tıgizedi», – dedi Sý resýrstary jáne ırrıgasııa vıse-mınıstri Aslan Abdraımov.
