Kezdesýde balalar men jastardyń quqyqtaryn qorǵaý jáne olardyń ál-aýqatyn jaqsartýǵa baǵyttalǵan Qazaqstan men IýNISEF arasyndaǵy uzaq merzimdi yntymaqtastyqtyń negizgi baǵyttary sóz boldy. Áńgime barysynda 20 jyldan astam ýaqytqa sozylǵan seriktestiktiń nátıjeleri, sonyń ishinde jastar resýrstyq ortalyqtarynyń damýyna jáne balalardyń múddesin kózdeıtin memlekettik saıasatty ilgeriletýge qosqan IýNISEF-tiń úlesi atap ótildi.
Mınıstr elimizde otbasyn qoldaý ortalyqtaryn damytýǵa kórsetilgen ádistemelik jáne saraptamalyq kómek úshin IýNISEF-ke alǵys bildirdi. Atalǵan ortalyqtardyń sanyn 200-ge deıin jetkizý kózdelip otyr. Sondaı-aq erte jastaǵy balalardyń damýy men ata-analyq jaýapkershilikti nyǵaıtý máseleleri talqylandy. Bul baǵytta «Ata-analar aılyǵy» aıasyndaǵy is-sharalar men tıisti memlekettik organdardy biriktiretin jumys tobynyń qurylýy mańyzdy qadam retinde atap ótildi.
Kezdesý qorytyndysynda taraptar áleýmettik mańyzy bar máseleler boıynsha ózara is-qımyldy jalǵastyrýǵa kelisti. Atap aıtqanda, balalardy áleýmettik jelilerdegi zııandy kontentten qorǵaý, erte júktiliktiń aldyn alý, volonterlikti damytý jáne basqa da baǵyttar boıynsha birlesken jumystar jalǵasyn tabatyn boldy.
Sondaı-aq mınıstr balalar quqyǵyn qorǵaýǵa arnalǵan túrli is-sharalardy qamtıtyn IýNISEF aptalyǵyn ótkizýdi qarastyrýdy usyndy.
