Munyń jarqyn kórinisi – Eldos Smetov. Ol – dzıýdodan Olımpıadada barlyq medal jıyntyǵyn oljalaǵan tuńǵysh qazaq palýany. Otandasymyz Parıjde – altyn, Rıoda – kúmis, Tokıoda qola medal jeńip aldy. Onyń sporttaǵy joly Jambyl oblysynda bastaldy. Alǵashqy bapkeri – Ahmet Jumaǵulov. Keıinnen Smetovti halyqaralyq dárejedegi sport sheberi jáne halyqaralyq básekelerdiń júldegeri Ǵalymjan Jylgeldıev jattyqtyra bastaǵan. Búginde Jylgeldıev áli de Smetovpen jáne quramanyń basqa da kóshbasshylarymen jumys isteıdi. Tájirıbeli maman olarǵa kúres tehnıkasyn ǵana emes, boıyna chempıonǵa tán qasıetti sińirip keledi.
Al Olga Dovgýnnyń tarıhy óz aldyna bólek áńgime. Ol – nysana kózdeýden Azııanyń birneshe dúrkin chempıony jáne úsh Olımpıadaǵa qatysqan mergen. Qazir jas sportshylarmen, onyń ishinde Parıj Olımpıadasynyń qola júldegeri Islam Sátpaev jáne Aleksandra Lemen jumys isteıdi. Dovgýnnyń tájirıbesiniń arqasynda Ulttyq qurama turaqty nátıje kórsetip, halyqaralyq jarystarǵa júıeli daıyndyq júrgizip jatyr.
Shańǵy jarysynan da myqtap ornyqqan urpaq sabaqtastyǵyn baıqaýǵa bolady. Bıyl aqpan aıynda ótken qysqy Azııa oıyndarynyń júldegeri Konstantın Borsov dál sol Harbınde 1996 jyly ótken Azıadanyń 3 dúrkin júldegeri, ákesi Vladımır Borsovtyń jetekshiligimen jattyǵady. Senim men túsinistikke qurylǵan mundaı sabaqtastyq turaqty nátıjege qol jetkizýge jol ashady.
Frıstaıl-mogýl – Qazaqstandaǵy eń tabysty qysqy sport túriniń biri. Ulttyq quramanyń bas bapkeri Elena Krýglyhına kezinde Olımpıadada synǵa túsken. Onyń tájirıbesi men osy sporttaǵy tereń bilimi komandaǵa halyqaralyq arenada turaqty nátıje kórsetýge múmkindik beredi. Onyń jetekshiligimen Iýlııa Galysheva 2018 jyly Olımpıadanyń qola júldegeri atansa, Anastasııa Gorodko jasóspirimder arasynda birneshe ret álem chempıony atandy.
«Chempıondardy chempıondar tárbıeleıdi» degen sózdiń jany bar. Qazaqstanda bul jaı ǵana ádemi sóz tirkesi emes. Elimizdiń týyn álemdegi iri jarystarda bıikte jelbiretýge múmkindik beretin tıimdi júıe.
