Oblystyq sıfrlandyrý jáne arhıv basqarmasynyń basshysy keltirgen derekke sensek, óńirde 59 aýyl 3 G ınternetimen qamtamasyz etilgen. Sonymen qatar 251 aýyl 4G ınternetimen qamtylǵan. 189 eldi mekende talshyqty optıkalyq baılanys jelisi ornatylǵan.
«Osy jyly «Kar-Tel» (Beeline) JShS 13 bazalyq stansııa ornatýdy jáne qoldanystaǵy 8-in jańǵyrtýdy qolǵa almaq. «Mobaıl Telekom-Servıs» (Tele2) JShS 47 bazalyq stansııa, «Ksell» (Activ) AQ – 12 stansııa ornatýǵa bel býyp otyr. Mobıldi baılanys úshin respýblıkalyq jáne negizgi oblystyq avtomobıl joldarynda 12 antenna-dińgek qurylǵylaryn ornatý kózdelgen. Qazirgi tańda 6 ADQ-nyń (T.Rysqulov, Jýaly, Qordaı aýdandarynda) jobalyq-smetalyq qujattamasynyń memlekettik saraptamasy alyndy.
«Mobaıl Telekom-Servıs» (Tele2) JShS Taraz qalasynda 5G tehnologııasyn damytý boıynsha 32 bazalyq stansııany iske qosty. Bıyl joǵary jyldamdyqty (4G) mobıldi baılanysymen 28 eldi mekendi qamtý josparlanǵan. Mobıldi operatorlar jeke qarajaty esebinen 5 eldi mekende (Jambyl, Qordaı, Shý aýdandary) mobıldi baılanys sapasyn jaqsartty.
Qalǵan 23 eldi meken boıynsha salalyq vedomstvo mobıldi baılanys operatorlary ókilderimen zerdeleý jumystaryn júrgizip, antenna-dińgek qurylysy salynýy tıis jerlerdi kelisip, aýdan ákimdikterine usyndy», deıdi jaýapty basqarma basshysy.
Jambyl oblysy
