Foto: Turizm jane sport ministrligi
Para dzıýdo: Astanada álem chempıonatynda Qazaqstan quramasy 2 altyn, 2 kúmis, 5 qola júldemen jalpykomandalyq esepte 4-oryn aldy.
Kórkem gımnastıka: Sıngapýrda Azııa chempıonatynda Aıbota Ertaıqyzy top jarsa, toptyq saıysta Qazaqstan komandasy altyn jáne kúmis júldeler oljalady.
Shahmat: BAÁ-niń Ál-Aın qalasynda klassıkalyq shahmattan Azııa birinshiliginde Ksenııa Balabaeva qola medal jeńip aldy.
Aýyr atletıka: Qytaıdyń Szıanshan qalasynda Azııa dodasynda Pıotr Hrebtov – qola medal, Artıom Antropov – kúmis medalǵa qol jetkizdi.
Taekvondo: BAÁ-niń Fýdjeıra qalasynda (WT) jasóspirimder arasynda jahandyq básekede jerlesterimiz el qorjynyna 2 altyn, 1 kúmis, 2 qola, barlyǵy 5 medal saldy.
Sporttyq gımnastıka: Slovenııanyń Koper qalasynda Challenge Cup kezeńinde Dıas Toıshybek altyn, Zeınolla Ydyrysov kúmis júlde enshiledi.
Tennıs: Zarına Dıas Japonııanyń Kýrýme qalasynda áıelder arasynda ITF W50 týrnırinde chempıon atandy. Al erler arasynda elimizdiń birinshi raketkasy Aleksandr Býblık Italııadaǵy chellendjer týrnırinde top jardy.
