Foto: Ashyq derekkóz
Josparǵa sáıkes, 2049 jylǵa deıin bul aımaqqa tartylatyn ınvestısııa kólemi 150 mlrd teńgege, onyń ishinde sheteldik kapıtal 80 mlrd teńgege deıin jetedi. О́ndiriletin taýarlar men kórsetiletin qyzmetterdiń jıyntyq kólemi 500 mlrd teńge deńgeıinde bolady dep boljanyp otyr. Sonymen qatar, qazaqstandyq qamtý úlesi 90%-ǵa deıin artady.
«Arnaıy ekonomıkalyq aımaq aýmaǵynda zamanaýı ónimdiligi joǵary, básekege qabiletti óndiristerdi jedel damytý, qyzmet kórsetýdiń sapaly jańa deńgeıin qalyptastyrý, ınvestısııa tartý, ekonomıka salasynda jańa tehnologııalar engizý, sondaı-aq halyqty jumyspen qamtýdy arttyrý úshin múmkindikter jasaý josparlanýda. AEA-nyń «Batys Eýropa – Batys Qytaı» halyqaralyq kólik dálizine jaqyndyǵy Qazaqstan men Ortalyq Azııa naryqtarynda ónimdi tıimdi ótkizýge múmkindik beredi. 25 jyl ishinde AEA kásiporyndarynda 3 366 jańa jumys ornyn ashý kózdelgen, qatysýshy kompanııalardyń sany 39-ǵa jetkiziledi», dep habarlady Úkimettiń baspasóz qyzmeti.
Sonymen qatar 25 jyl ishinde AEA kásiporyndarynda 3 366 jańa jumys ornyn ashý kózdelgen, qatysýshy kompanııalardyń sany 39-ǵa jetkiziledi. Sondaı-aq mýltımodaldy áýe habtaryn damytý aıasynda «Ońtústik», «Astana – Tehnopolıs», «Saryarqa», «Alatau» jáne «Aqtóbe» arnaıy ekonomıkalyq aımaqtaryna port aımaǵy mártebesi berilgen.
