Oqıǵa • 19 Mamyr, 2025

Mádenıet jáne sport salasynyń burynǵy vıse-mınıstri sottaldy

60 ret

kórsetildi

1 mın

oqý úshin

Astanadaǵy qylmystyq ister jónindegi sot mádenıet jáne sport salasynyń burynǵy vıse-mınıstri Erlan Qojaǵapanovqa qatysty úkim shyǵardy. Ol qyzmet babyn asyra paıdalandy degen aıyppen kináli dep tanylyp, 3 jylǵa bas bostandyǵynan aıyryldy, dep habarlaıdy Egemen.kz.

Qyrmyzy JUMAǴALIQYZY

Mádenıet jáne sport salasynyń burynǵy vıse-mınıstri sottaldy

Foto: Ashyq derekkóz

Sot úkimine sáıkes, Qojaǵapanovqa ómir boıy memlekettik jáne kvazımemlekettik organdarda, sondaı-aq sot, jergilikti basqarý qurylymdary men Ulttyq bank júıesinde laýazymdy qyzmet atqarýǵa tyıym salynǵan.

Tergeý materıaldaryna sáıkes, burynǵy vıse-mınıstr 2018 jyly Petropavlda ótken Qazaqstan men Reseı arasyndaǵy aımaqaralyq forýmdy uıymdastyrýǵa bólingen qarajattyń bir bóligi tıimsiz jumsalǵan. Memleketke 1 mıllıard teńgeden astam shyǵyn keltirgen.

Atalǵan is aıasynda SUCCESS agenttiginiń basshysy Lıazzat Kókkózova da jaýapqa tartylyp, asa iri kólemde alaıaqtyq jasaǵany úshin 5 jylǵa bas bostandyǵynan aıyrylǵan. Ol QR QK 190-baby 4-bóligi boıynsha kináli dep tanylǵan.

Sot eki sottalýshynyń tergeý kezinde qamaýda ótkizgen ýaqytyn jaza merzimine qosa eseptegen. Aıyptaý taraby Qojaǵapanovqa 7 jyl, al Kókkózovaǵa 8 jyl túrme jazasyn jáne múlkin tárkileýdi suraǵan.