Foto: qazaly.kz
Jańa ortalyq ártúrli jastaǵy azamattarǵa memlekettik tildi jáne basqa da shet tilderin meńgertý, tildik daǵdylardy jetildirýge jaǵdaı jasap, til mádenıetin damytady jáne til saıasatyn júzege asyrady.
«Ortalyqtyń negizgi maqsaty - memlekettik tildi oqytý jáne nasıhattaý, sondaı-aq aǵylshyn, orys jáne basqa da tilderdi jurtshylyqtyń meńgerýine jaǵdaı jasaý. «Jańa mekeme zamanaýı ádistemeler men oqytý tehnologııalaryn engizip, til úırenýshilerge arnalǵan semınarlar, trenıngter men ashyq sabaqtar uıymdastyrady», deıdi Oral Oral qalasy mádenıet jáne tilderdi damytý bóliminiń til sektorynyń meńgerýshisi Roza Ońǵarbaıqyzy.
Jańa ortalyqqa «Dostyq» úıinen oqý zalymen qosa úsh bólme berilgen. Bólmeniń biri memlekettik tildi oqýshylarǵa, al biri aǵylshyn tilin oqýshylarǵa arnalyp jabdyqtalǵan. Jalpy ortalyq ujymynda 11 adam qyzmet etedi.
«Atameken» óner ordasynda ótken «Til zańnamasy: múmkindikter, bastamalar jáne máseleler» atty respýblıkalyq semınar-keńeste de memlekettik tildiń mártebesin odan ári nyǵaıtý máseleleri sóz boldy. Jıynǵa qatysqan Bas prokýratýra, Ǵylym jáne joǵary bilim mınıstrliginiń ókilderi, Parlament Májilisiniń depýtaty Abzal Quspan, oblys basshylyǵy, sondaı-aq óńirler men respýblıkalyq mańyzy bar qalalardaǵy tilderdi damytý basqarmalarynyń mamandary, zııaly qaýym ókilderi, kásipkerler memlekettik til saıasatynyń ózekti máselelerin talqylap, tájirıbe almasty.
Aıta keteıik, búginde Batys Qazaqstan oblysynda balabaqshalardyń 85%-y, orta mektepterdiń 70%-y memlekettik tilde bilim beredi. 2024-2025 oqý jylynda birinshi synyp oqýshylarynyń 78%-y qazaq tilin tańdaǵan. 2024 jyly óńirde 700 adam memlekettik til kýrsynan ótken, sonyń 40 paıyzy – ózge ult ókilderi eken.
