Forýmnyń qurmetti qonaǵynyń biri – Doha forýmynyń bas menedjeri Maha Ál-Kývarı. Ol Astana forýmyna qatysýynyń mańyzdylyǵyn erekshe atap ótti.
«Meniń esimim Maha Ál-Kývarı jáne men Doha forýmynyń bas menedjerimin. 2025 jylǵy Astana halyqaralyq forýmyna qatysý men úshin mártebe. Doha forýmy Katar Damý qorymen birge sessııa ótkizedi, onda biz jahandyq turaqtylyqty nyǵaıtýdyń jańa joldaryn talqylaımyz. Nege qazir? О́ıtkeni geosaıası bóliný, pandemııadan keıingi qıyndyqtar men jetkizý tizbeginiń buzylýy árbir ekonomıkany, ásirese damýshy jáne az damyǵan elderge áser etti. Bizdiń paneldik sessııa úsh basymdyqty talqylaıdy. Birinshiden, eshbir ultty artta qaldyrmaıtyn ınklıýzıvti damý. Ekinshiden, turaqty damý úshin kapıtaldy ashatyn ınnovasııalyq qarjylandyrý jáne ınvestısııalyq modelder. Úshinshiden, Astanadan Dohaǵa deıingi tıimdi seriktestik, óıtkeni yntymaqtastyq – turaqty progrestiń kilti bolyp tabylady. Astana sııaqty, Doha forýmy da álemdegi eń ózekti máselelerdi sheshý úshin kóshbasshylardy, oıshyldardy biriktiredi», deıdi Maha Ál-Kývarı.
Sonymen qatar, Ál-Kývarı qonaqtardy 2025 jyldyń 6–7 jeltoqsanynda ótetin Doha forýmyna qatysýǵa shaqyrdy.
