Keshki aýysymǵa túsip, bekitilgen aýmaqtaryn aralap júrgen tártip saqshylary Araı shaǵyn aýdanyndaǵy Jastilek kóshesindegi úılerdiń birinen shyqqan qoıý tútindi baıqady.
Jaǵdaıdy baǵamdap úlgergen polıseıler dereý órt sóndirý qyzmetine habarlasyp, oqıǵa ornyna jedel jetipti. Iske dereý kirisip, baspanasyn órt shalǵanyn baıqamaı alańsyz uıyqtap jatqan 66 jastaǵy qarııa men nemeresin alyp shyǵady. Olar kórshi úıdiń turǵyndaryn da der kezinde oıatyp, qaýiptiń aldyn aldy.
О́rt sóndirýshiler qyzyl jalyndy aýyzdyqtap jatqanda polısııa qyzmetkerleri qoǵamdyq tártipti qamtamasyz etip turady. Artynsha kezekshilikterin jalǵastyryp, patrýldeýge qaıta kirisken qos saqshyǵa órtten aman qalǵan turǵyndar alǵys aıtty.
