Jol sapasy Úkimet saǵatynda talqylanady

Otyrys barysynda bıýro mú­sheleri «Qazaqstan Respýblıka­synyń Úkimeti men Qyrǵyz Res­pýb­lıkasynyń Mınıstrler Ka­bıneti arasyndaǵy ınvestısııalar­dy kótermeleý jáne ózara qorǵaý týraly kelisimdi ratıfıkasııalaý týraly» zańdy palata otyry­sy­nyń kún tártibine shyǵarý jóninde qaýly qabyldady. Bul zań eki el ara­­syndaǵy ekonomıkalyq yn­ty­maq­tastyqty nyǵaıtýdy kózdeıdi. Atap aıtqanda, bir tarap­tyń ekin­shi taraptyń aýmaǵyn­daǵy ın­ves­tısııalaryn júzege asyrý, sondaı-aq eki mem­leket­tiń aýmaq­taryndaǵy ınves­tısııa­lyq qyz­metke baılanysty máse­le­ler­di retteý úshin qolaıly rejim qurý tártibi men sharttaryn aıqyndaıdy.

Sonymen qatar bıýroda Senat komıtetteri ótkizetin aldaǵy is-sharalardyń taqyryptary talqy­landy. Osy aptada res­pýblıkalyq bıýdjettiń áleý­mettik salaǵa arnalǵan shyǵys­tary boıynsha memlekettik aýdıt­tiń nátıjeleri týraly jáne Qazaqstandaǵy memle­ket-jekemenshik áriptes­tiginiń máse­leleri men perspektıvalary jóninde otyrystar ótpek. Sondaı-aq depýtattardyń múddeli taraptarmen «jasyl» tehnologııa­lar men ınvestısııalardy damy­týǵa qatysty birqatar kezdesýi uıymdastyrylady.

Josparlanǵan mańyzdy is-sharalardyń biri – «Qazaqstan Respýblıkasynda avtomobıl joldaryn salý jáne paıdalaný: aǵymdaǵy jaı-kúıi, ózekti máseleleri men olardy sheshý joldary» taqyrybyna arnalǵan Úkimet saǵaty.

«Úkimet saǵatynda osyǵan deıin ótkizilgen kezdesýlerde sarapshylar aıtqan usynystardy eskere otyryp, saladaǵy qordalanǵan máselelerdi júıeli sheshý joldary talqylanady. Joldyń sapasy kólik ınfraqurylymy ǵana emes, sondaı-aq ol – turǵyndar­dyń qaýipsizdigi, ekonomıkalyq belsendilik pen ómir súrý sapasy­nyń kórsetkishi. Prezıdent Qasym-Jomart Toqaev jaqynda ótken Qaýipsizdik Keńesiniń otyrysynda kólik-logıstıka salasyn damytý máselelerine, onyń ishinde iri ınfraqurylymdyq-tranzıttik jobalardyń jaı-kúıine nazar aýdardy. Sondyqtan bul baǵyttaǵy jumystardy Memleket basshysy aıqyndap bergen strategııalyq maqsattar aıasynda nátıjeli júzege asyrý – barshamyzdyń ortaq mindetimiz», dedi M.Áshimbaev.

Sondaı-aq bıýro músheleri buǵan deıin Parlament Májilisi qabyldaǵan zańdardy jumys úshin Senattyń komıtetterine bólip berdi.