Aýqymdy is-sharaǵa mýzeı, teatr, kitaphana, arhıv, mádenı-demalys mekemeleriniń jetekshileri men sala mamandary jınalyp, salany damytýdyń tıimdi tetikterin talqylap jatyr. Forým aıasynda bir mezette birneshe alańda paneldik sessııalar uıymdastyrylyp, qatysýshylardyń usynys-pikirleri nazarǵa alyndy.
Atap aıtqanda, Ulttyq mýzeı qabyrǵasynda III Qazaqstandyq mýzeıler kongresi óz jumysyn bastady. Bul jolǵy jıyn tarıhı-mádenı murany saqtaý máselesine arnaldy. Sarapshylar teorııalyq ustanymdarmen qatar, praktıkalyq tájirıbe almasýǵa da den qoıyp otyr. Qatysýshylar eksponattardy restavrasııalaý men konservasııalaý isindegi jetistiktermen tanysyp, arheologııalyq artefaktilerdi saqtaý jónindegi sheberlik sabaǵyna qatysty.
Sondaı-aq sahna óneri salasynyń ókilderi de shyǵarmashylyq alańdarda bas qosty. Konserttik uıymdar men mádenı-demalys ortalyqtarynyń qyzmetkerleri rejıssýradaǵy jańa baǵyttar, sahnalyq sheberlik, prodıýserlik jáne kostıým ónerine arnalǵan dóńgelek ústelder men tájirıbelik zerthanalarǵa qatysyp, kásibı biliktilikterin shyńdady.
О́ńirlik kitaphanalardyń basshylary men kitaphanashylar da búgingi zaman talabyna saı qyzmet túrlerin jetildirý, sıfrlyq tehnologııalardy engizý tájirıbesin ortaǵa saldy. Kún tártibinde jasandy ıntellektti qoldaný, qujattyq muralardy saqtaýdyń jańa tásilderi talqylandy.
Forým aıasynda «Rýhanı qazyna – 2025» respýblıkalyq mádenıet jáne óner uıymdary men qyzmetkerleriniń festıvali bastaldy. Mádenıet salasynyń mártebesin kóterýdi maqsat tutqan baıqaýǵa 85 kitaphana, 50 mádenıet úıi jáne 30 mýzeı qatysýǵa ótinim bildirgen. Quramynda kásibı mamandar bar qazylar alqasy 19 nomınasııa boıynsha úzdikterdi anyqtap, jeńimpazdardy marapattaıdy.
