Qoǵam • 20 Mamyr, 2025

Bıyl 60 bala terezeden qulap ketken

80 ret

kórsetildi

1 mın

oqý úshin

Osy jyldyń 19-mamyryndaǵy derek boıynsha, terezeden qulap ketken 60 balanyń beseýi oqıǵa orynynda kóz jumǵan. 55 bala túrli jaraqat alyp, medısınalyq mekemelerge jetkizilgen. TJM kúnniń jylýyna baılanysty osyndaı oqys oqıǵalar jıileıtinin qaperge salyp, ata-analardy saqtyqqa shaqyrdy, dep jazady Egemen.kz.

Dana MYRZAQADIR

Foto: astanatv.kz

2024 jyly osyndaı 196 oqıǵa tirkelgen. Mınıstrlik ádette, mundaı jaǵdaılar eresekterdiń qaraýynsyz qalǵan 2-13 jasqa deıingi balalar arasynda kóp bolatynyn jetkizdi. Sondaı-aq, qaıǵyly oqıǵalar balalardyń moskıt torlaryna súıenýinen jıi bolǵan.

TJM elimizdiń barlyq óńirinde profılaktıkalyq jumystar kúsheıtilgenin atap ótti.

Tótenshe jaǵdaılar mınıstrligi barlyq ata-ana men balalardyń zańdy ókilderin mynadaı qaýipsizdik sharalaryn qatań saqtaýǵa shaqyrady:

- Balalardy qaraýsyz qaldyrmańyz;

- Moskıt torlaryna senbeńiz, ol balany ustap qalýǵa qaýqarsyz;

- Terezelerge arnaıy bekitkishter men blokatorlardy ornatyńyz;

- Bala tereze aldyna shyǵa almas úshin, tereze mańyndaǵy jıhazdardy alyp tastańyz.