Foto: saryarka-samaly.kz
Mınıstrdiń aıtýynsha, elimizdegi 10 myńnan asa demalys ornynda 3,2 mln bala jazǵy kanıkýlyn ótkizedi. Onyń 15 myńnan astamy – jyl boıǵy saýyqtyrý ortalyqtarynda, 186 myń bala – qala mańyndaǵy, 2,8 mln bala – mektep janyndaǵy, 160 myń bala – shatyr jáne kıiz úı syndy demalys oryndarynda jazǵy kanıkýlyn ótkizedi.
«О́ńirlermen birlesip barlyq demalys ortalyqtarynyń tizimi bekitilip, olardyń daıyndyǵy respýblıkalyq shtab otyrystarynda qaraldy. Sanıtarlyq normalardyń, tamaq qaýipsizdigi talaptarynyń, sondaı-aq sýdaǵy, ormandaǵy jáne sport obektilerindegi qaýipsizdik erejeleriniń saqtalýyna baqylaý kúsheıtildi», dedi Ǵanı Beısembaev.
Áleýmettik osal sanattaǵy balalardyń jazǵa demalysyn uıymdastyrýǵa da erekshe nazar aýdarylǵan. «Qazaqstan halqyna» qorynyń qoldaýymen «Jazdyq joldama» jobasy aıasynda 10 myń bala tegin demalýǵa múmkindik alady. Kóp balaly jáne aýyldyq otbasylardan shyqqan balalarǵa da basymdyq beriledi.
Jazǵy demalysty mazmundy uıymdastyrý maqsatynda Mınıstrlik 120 myń uıymdastyrýshy-pedagogti daıarlaǵan. Osy baǵyttaǵy jumystarǵa qosymsha 12 myńnan astam stýdent pen erikti tartylady.
О́ńirlerde demalys oryndaryn salý jumystary da qarqyn alǵan. Máselen, Túrkistan oblysynda balalardy sapaly demalyspen qamtý deńgeıin arttyrý úshin 10 lagerde modýldik korpýstar salynyp jatyr.
Shyǵys Qazaqstan oblysynda «Qonaqjaı otbasy» jobasy jalǵasýda – bıyl alty eldi mekennen 62 otbasy qatysyp, 140 balaǵa arnalǵan demalys uıymdastyrylady.
Aqtóbe oblysynda jáne basqa da birqatar óńirde Jumysshy mamandyqtary jyly aıasynda kolledjder janyndaǵy lagerlerde oqýshylar sheberlik synyptary men kásiptik baǵdar berý sessııalaryna qatysady.
