Foto: Ashyq derekkóz
Mınıstrdiń aıtýynsha, jańa standart halyqaralyq usynymdarǵa negizdelgen jáne balalardyń durys tamaqtanýyn qamtamasyz etýge baǵyttalǵan. Atap aıtqanda, mázirde qant mólsheri 3,6 esege, al tuz 5 esege deıin azaıtylady. Bul ózgerister semizdik, qant dıabeti, júrek-qan tamyrlary sekildi sozylmaly aýrýlardyń damý qaýpin tómendetýge yqpal etedi.
Jańa normalar boıynsha:
- Balalar arasyndaǵy semizdik kórsetkishi 15%-ǵa;
- Qant dıabeti – 20%-ǵa;
- Gıpertonııa – 18%-ǵa;
- Basqa da ınfeksııalyq emes aýrýlar 15%-ǵa deıin azaıady dep kútiledi.
Sonymen qatar, standartta shaǵyn jınaqty mektepter úshin arnaıy mázir, sondaı-aq mektep taǵamdaryna oqýshylardyń qanaǵattaný deńgeıin baǵalaýǵa múmkindik beretin «Jeýge jaramsyzdyq ındeksi» uǵymy alǵash ret engizilgen. Bul kórsetkish oqýshylar tutynbaǵan taǵam qaldyqtary arqyly esepteledi.
Jańa tamaqtaný tártibi mektepter men mektepke deıingi uıymdarǵa birdeı qoldanylady jáne oqýshylardyń densaýlyǵyn saqtaýǵa baǵyttalǵan keshendi sharalardyń bir bóligi.
