Qoǵam • 20 Mamyr, 2025

Alakólge áýe bıletteriniń baǵasy arzandady

40 ret

kórsetildi

3 mın

oqý úshin

Jazǵy demalys maýsymy qarsańynda Indýstrııa jáne ınfraqurylymdyq damý mınıstrligi Alakólge aparatyn baǵyttar boıynsha qolaıly jaǵdaı jasaýdy qolǵa alyp otyr. Elimizdiń túrli óńirinen Alakól kóline jetýdi jeńildetý úshin qosymsha poıyzdar qatynap, áýe bıletteriniń baǵasy tómendetildi. Sondaı-aq, kólge aparatyn respýblıkalyq avtojoldar tolyq jóndeýden ótken, dep jazady Egemen.kz.

Abzal MAQASh

Alakólge áýe bıletteriniń baǵasy arzandady

Foto: Kólik mınıstrligi baspasóz qyzmeti

Temirjol: 13 baǵytta júredi

Bıylǵy maýsymda Alakól kýrorttyq aımaǵyna 13 temirjol baǵyty boıynsha jetýge bolady. Onyń tórteýi – jyl boıy qatynaıtyn turaqty baǵyttar bolsa, qalǵan toǵyzy – jazǵy maýsymǵa arnaıy qosylǵan qosymsha poıyzdar.

Almatydan Alakólge:

№207/208 «Almaty-2 – Jalańashkól» (aptasyna 2 ret),
№221/222 «Almaty-2 – Dostyq» (aptasyna 3 ret),
№211/212 «Almaty-2 – Dostyq» (maýsym–shildede jup, tamyzda taq kúnderi),
№337/338 «Almaty-2 – Dostyq» (aptasyna 3 ret),
№21/6941/6942/22 «Almaty-1 – Dostyq» (jup kúnderi).

Astanadan Alakólge:

№54/53 «Nurly jol – Dostyq» (aptasyna 2 ret),
№254/253 «Nurly jol – Dostyq» (aptasyna 2 ret),
№122/6942/6941/121 «Nurly jol – Semeı» (jup kúnderi).

Basqa óńirlerden:

№31/6942/6941/32 «Pavlodar – Dostyq» (jup kúnderi),
№21/6942/6941/22 «Qyzylorda – Dostyq» (taq kúnderi),
№457/458 «Semeı – Dostyq» (taq kúnderi),
№459/460 «О́skemen – Dostyq» (taq kúnderi),
№6941/6942 «Aqtoǵaı – Dostyq» (kún saıyn).

Áýe reısteri: Úrjarǵa – 14–16 myń teńgeden

2025 jyldyń 1 maýsymynan bastap SCAT áýe kompanııasy Alakóldiń mańyndaǵy Úrjar aýylyna sýbsıdııalanǵan reısterdi oryndaı bastaıdy.

Astana – Úrjar baǵyty boıynsha aptasyna 6 reıs ushady. Bir baǵyttaǵy bılet quny – 16 myń teńge.
Almaty – Úrjar reısi de aptasyna 6 ret oryndalady, bılet quny – 14 myń teńge.

Sondaı-aq, Úsharal qalasyna da sýbsıdııalanatyn áýe reısterin ashý máselesi qarastyrylyp jatyr.

Avtojol: Alakólge deıingi barlyq jol jańarǵan

Kólge aparatyn jol ınfraqurylymy da tolyq jańartyldy.

Jalpy uzyndyǵy 768 shaqyrym bolatyn «Taldyqorǵan – О́skemen» joly tolyqtaı jańa asfaltpen jabdyqtalǵan.
Jetisý oblysy jaǵynan: Úsharal arqyly ótip, 180 shaqyrymdyq «Úsharal – Dostyq» jolymen kóldiń ońtústik jaǵalaýyna jetýge bolady.
Abaı oblysy jaǵynan: «Taskesken – Baqty» jolymen Maqanshy aýylyna (133 km), odan ári «Maqanshy – Jalańashkól» baǵyty arqyly kóldiń soltústik jaǵalaýy qoljetimdi.

Barlyq baǵyttaǵy respýblıkalyq mańyzy bar joldarǵa jańa asfaltbeton jabyndysy tóselgen, bul jeke kólikpen sapar shegetinder úshin úlken jeńildik. Sonymen Alakólge barý burynǵydan da ońaı ári qoljetimdi boldy. Temirjol qatynasy keńeıip, áýe bıletteri arzandap, joldar jaqsardy. Jazǵy demalysyn el ishinde ótkizýdi josparlaǵan qazaqstandyqtar úshin Alakól bıyl da negizgi baǵyttardyń biri bolmaq.