Qurlyqtyq dodada sheberligimen kózge túsken otandastarymyz úshinshi oryn úshin bolǵan tartysty básekede Gonkong quramasymen jolyǵyp, qarsylasyna 12:29 esebimen ese jibergenimen, týrnırdiń jalpy nátıjesi boıynsha qurmet tuǵyrynan kórindi.
Birinshi taımda Gonkong oıyn tizginin tolyqtaı óz qolyna alyp, esepte alǵa shyqty. Al ekinshi taımda otandyq sportshy qyzdar esep aıyrmasyn qysqartýǵa bar kúshin saldy. Degenmen, qarsylas komanda sheberlik pen ýaqytty utymdy paıdalana otyryp, jeńisti ýysynan shyǵarmady.
Soǵan qaramastan, Qazaqstan áıelder quramasynyń bıylǵy chempıonattaǵy óneri qurlyqtaǵy úzdikter qataryna qosylýǵa tolyq negiz berdi. Qola medal – júıeli daıyndyqtyń, janqııarlyqpen tógilgen ter men tabandy eńbektiń jemisi.
Aıta keteıik, Azııa chempıonatynyń fınaldyq oıyny 25 mamyrda ótedi. Onda Japonııa men Gonkong quramalary altyn júldeni sarapqa salady. Al Qazaqstan quramasy úshin bul nátıje – aıqyn jetistik ári bolashaq jeńisterge serpin beretin mańyzdy kezeń.
