«Týrıstik Qamqor» qorynyń málimetinshe, bul derekter tek uıymdastyrylǵan týrısterge, ıaǵnı týroperatorlar arqyly shetelge shyqqan azamattarǵa ǵana qatysty. Bul júıe Qazaqstan azamattarynyń shetelge shyǵýyn baqylap, kepildendiredi.
«Búgingi kúnge deıin 3 213 Qazaqstan azamaty shetelge demalysqa joldama satyp aldy. Alaıda bul naqty kórsetkish emes, sebebi týrlar áli de satylyp jatyr, derekter jańartylyp otyrady», dep habarlady QR Mádenıet jáne aqparat mınıstrliginiń Týrızm komıteti.
Eń tanymal sheteldik baǵyttar (joldama sany boıynsha):
-
Vetnam – 92 632
-
BAÁ (Dýbaı jáne basqa qalalar) – 81 349
-
Mysyr (Egıpet) – 78 302
Mınıstrlik málimetinshe, 134 myńnan astam joldama 2024 jyldyń maýsym aıynda satylǵan, bul kórsetkish ótken jyldyń osy kezeńimen shamalas. Eleýli ózgeris baıqalmaıdy. Alaıda qazirgi ýaqytta bul málimetter «Týrıstik Qamqor» júıesinde tolyq tirkelmegen. Barlyq uıymdastyrylǵan sheteldik týrlar tek lısenzııalanǵan týroperatorlar arqyly júzege asyrylady. Sonymen qatar, zańnama boıynsha týrpaket qunynyń ortasha esebi júrgizilmeıdi.
2024 jyly shetelge shyqqan 1 096 246 adamnyń 98%-y jaǵajaı týrızmin tańdaǵan. Al ekskýrsııalyq týrlardy tańdaǵan týrısterdiń úlesi nebári 0,5%-dy qurady.
