Jaz boıy bes maýsymda balalardy qabyldaıtyn jeti qala syrtyndaǵy demalys oryndarynyń ekeýi memlekettik, beseýi jekemenshik. Mundaǵy on kúndik bir joldamanyń ortasha baǵasy 80- 100 myń teńge aralyǵynda.
Budan ózge 699 mektep janyndaǵy lager jáne qosymsha bilim berý mekemelerinen 49 jazǵy alań ashylyp, oqýshylar bul jerlerde segiz saǵat nemese jarty kún ýaqyttaryn ótkizedi. Olarǵa tárbıeshiler men ustazdar qyzǵylyqty oıyndar men sport saıystaryn ótkizip, mýzeıler men basqa da da mádenı oryndardy aralatady.
О́ńirde balalardy jyl boıy saýyqtyratyn «Kúnshýaq» jáne «Ásem» lagerleri jumys isteıdi. Ásirese, «Kúnshýaqta» tirek-qozǵalysy buzylǵan balalardyń demalysyna qolaıly jaǵdaı jasalǵan. Bul jerge balalar kóbinese dárigerlerdiń joldamasymen qabyldanady.
Bir jylda «Kúnshýaq» pen «Ásem» lagerinde 2532 bala demalǵan. Oblystyq bilim basqarmasynyń basshysy Bulbul Kúzembaevanyń habarlaýynsha, osy jazda 3960 kámelet jasyna jetpegen oqýshyǵa demeýshiler kómegimen lager joldamalary tabystalǵan. Sonyń ishinde 233 kámeletke tolmaǵan jas respýblıkalyq «Baldáýren» jáne «Bóbek» ortalyqtaryna barady.
Aqtóbe oblysy.
