AQTО́BE. 20 maýsym. Aqtóbede iri restorandardyń biri órtenip jatyr. Bul týraly Aqtóbe oblystyq tótenshe jaǵdaılar departamentine silteme jasaǵan egemen.kz tilshisi habarlady.
Otqa oranǵan «Lanselot» restorany Ospanov jáne aǵaıyndy Jubanovtar kósheleriniń qıylysynda ornalasqan. Kýágerlerdiń aıtýynsha, órt shamamen saǵat 16:30-da bastalǵan. Al kezekshi bólimge tótenshe jaǵdaı týraly habar 17:00-de kelip túsken.
Qazir oqıǵa ornynda órt sóndirýshiler jumys isteýde. Tilsiz jaý saldarynan zardap shekkender týraly aqparat joq. Apat saldarynan kelgen shyǵyn kólemi anyqtalýda.
Satybaldy Sáýirbaı.
Derek: egemen.kz.
Sýret: tengrinews.kz.
