Foto: Ashyq derekkóz
Atap aıtqanda, ýnıversıtettiń burynǵy basshylyǵy jalpy aýdany 2500 sharshy metrden astam jataqhana ǵımaratyn tıisti konkýrs ótkizbesten jeke joǵary oqý ornyna jalǵa bergen. Bul áreket turǵyn úı alańy tapshylyǵy jaǵdaıynda júzege asqan.
«Keıinnen mámile jasasý kezinde qoldanystaǵy zańnama talaptaryn buza otyryp JOO osy úı-jaıdy satyp alǵan. Búgingi tańda ákimshilik korpýstyń jataqhanasy maqsatyna qaraı paıdalanylmaı, bıznestiń túrli salalarynyń qyzmet kórsetýine jalǵa berilip otyr», delingen sot habarlamasynda.
Túrksib aýdany prokýratýrasynyń aralasýymen jáne sottyń zańdy kúshine engen sheshimderi negizinde daýly ákimshilik ǵımarat ulttyq ýnıversıtetke qaıtarylǵan.
