Zań • 21 Mamyr, 2025

Jyl basynan beri mal urlaǵan 188 adam ustaldy

40 ret

kórsetildi

1 mın

oqý úshin

Ishki ister mınıstrliginiń málimetinshe, keıingi 5 jylda mal urlyǵy 64 paıyzǵa azaıǵan. Jyl basynan beri 188 adam mal urlyǵy faktisi boıynsha ustalyp, 41 qylmystyq toptyń áreketi toqtatyldy. Urlanǵan 1134 mal basy zańdy ıelerine qaıtarylǵan, dep jazady Egemen.kz.

Dana MYRZAQADIR

Jyl basynan beri mal urlaǵan 188 adam ustaldy

Foto: polisia.kz

Almaty oblysynda krımınaldyq polısııa qyzmetkerleri jaıylymda júrgen iri qara maldy urlaǵan úsh adamnan quralǵan qylmystyq topty ustady. Qolǵa túsken toptyń jergilikti turǵyndarǵa tıesili 30-dan astam sıyrdy urlaǵany dáleldendi. Ustalǵandardyń biri Volkswagen júk kóliginiń júrgizýshisi bolyp jumys istegen. Kúdiktiler ár eki-úsh kún saıyn mal urlap, ony soıyp, etin Almaty qalasynyń bazarlarynda satqan.

Pavlodar oblysynda da polısııa qyzmetkerleri úsh adamnan turatyn qylmystyq topty ustady. Olar 2023 jylǵy jeltoqsannan bastap búgingi kúnge deıin Ekibastuz aýdany aýmaǵynda jylqylardy urlap kelgen. Tergeý barysynda kúdiktilerdiń biri aýyl sharýashylyǵy seriktestiginde jylqyshy bolyp jumys istep, keıingi eki jyl ishinde 70-ten astam jylqyny urlaǵany anyqtaldy.