Resmı málimetke súıensek, 2024 jyldyń sońyna deıin geologııalyq derekterdiń 1 905 976 birligi sandyq formatqa kóshirilgen. Olardyń qatarynda qaǵaz qujattar, grafıkalyq materıaldar, magnıttik taspalar men kartrıdjder bar. Bul jalpy málimet kóleminiń 42 paıyzyna teń. Aıta keterligi, bul kórsetkish ótken jylmen salystyrǵanda eki eseden artyq ósimdi kórsetip otyr.
2023-2024 jyldar aralyǵynda sıfrlandyrylǵan geologııalyq aqparattyń negizgi kórsetkishteri mynadaı:
- Jalpy 2,7 mıllıonnan astam birlik aqparat sandyq júıege aýystyryldy;
- Onyń ishinde 2,47 mıllıonǵa jýyq qaǵaz jáne grafıkalyq tasymaldaǵyshtar;
- 75 myńnan astam magnıttik taspa;
- 50 myń kartrıdj.
Josparǵa sáıkes, 2025 jyly qosymsha 1,2 mıllıon birlik aqparatty sıfrlyq formatqa kóshirý kózdelip otyr. Osylaısha, jalpy sıfrlandyrý úlesi 86 paıyzǵa deıin jetpek.
Sala mamandarynyń aıtýynsha, bul qadam geologııalyq málimetterge qoljetimdilikti arttyryp qana qoımaı, elimizdiń jer qoınaýyn tıimdi paıdalanýǵa serpin beredi.
