Foto: pixabay
Tergeý barysynda anyqtalǵandaı, 2018 jyly jaýapker men fermer arasynda eńbek sharty jasalǵan. Jaýapker 2024 jyldyń qyrkúıeginen 2025 jyldyń qańtaryna deıingi aralyqta jasyryn túrde 184 qoı, 17 sıyr, 10 buzaýdy bazarda satyp, jábirlenýshige jalpy 14,5 mıllıon teńgeden astam shyǵyn keltirgen. Malshy barlyq aqshany qumar oıyndarǵa salyp utylǵan.
Sot otyrysynda sottalýshy óz kinásin tolyq moıyndap, ókinish bildirip, jábirlenýshige keltirilgen zalaldy tolyǵymen ótegenin aıtqan, al onyń sózin jábirlenýshi rastap, sottan ony bas bostandyǵynan aıyrmaýdy surady.
«Sot sottalýshynyń óz kinásin moıyndaǵanyn, ókinetinin jáne kámeletke tolmaǵan balalarynyń bar ekenin eskerip, úsh jylǵa bas bostandyǵyn shekteý jazasyn kesti. Sonymen qatar oǵan jyl saıyn 100 saǵattyq jumysty oryndaý mindetteldi», delingen sot qujatynda.
Úkim zańdy kúshine endi.
