Foto: Aýyl sharýashylyǵy mınıstrligi
Boljam boıynsha, 2025 jyly shegirtkelerdiń taralý aýmaǵy 2,1 mln gektardy quraıdy. Bul kórsetkish ótken jylmen salystyrǵanda 1 mln gektarǵa az.
Aıta keteıik, shegirtkeniń eń kóp taralýy Qostanaı, Aqtóbe, Túrkistan jáne Batys Qazaqstan oblystarynda bolady. Monıtorıng pen óńdeý sharalaryna 4 625 adam tartylǵan. Jalpy alǵanda, zııankestermen kúreske 443 birlik arnaıy tehnıka jumyldyrylady.
«22 mamyrǵa deıin 2,8 mln gektar jer tekserilip, onyń 498 myń gektary shegirtke ótken aýmaqtar anyqtaldy jáne olardy óńdeý jumystary júrgizilýde. Qazirgi tańda 14 óńirde 464 myń gektar jerde shegirtkege qarsy kúres sharalary atqaryldy. Máselen, Túrkistan oblysynda marokko shegirtkesine qarsy óńdeý jumystary aıaqtalýǵa jaqyn, tazalaý sharalary jalǵasýda. Jambyl oblysynda negizgi óńdeýler aıaqtalǵan, ıtalıandyq prýsqa qarsy jumystar jalǵasyp jatyr», delingen habarlamada.
Italıandyq prýsqa qarsy hımııalyq óńdeý Aqmola, Aqtóbe, Almaty, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda oblystarynda, sondaı-aq Abaı, Jetisý jáne Ulytaý oblystarynda júrgizilip jatyr.
