Djekı Channyń uly jazasyn ótep, túrmeden shyqty

ASTANA. 13 aqpan. Amerıkanyń tegi qytaılyq belgili kınoakteri Djekı Channyń uly juma, 13 aqpan kúni kúni alty aılyq merzimge jabylǵan túrmesinen bostandyqqa shyqty. Bul týraly Qytaıdyń ortalyq televıdenıesiniń deregine súıengen TASS habarlady. 33 jastaǵy Djeısı Channyń soty 2015 jylǵy qańtarda Beıjińde ótken edi. Ol esirtki aınalymmen zańsyz aınalysqany úshin sottyń úkimimen jarty jylǵa túrmege qamaldy. Budan basqa, 2 myń ıýan (320 AQSh dollary shamalas) kóleminde aıyppul tóleýge tıis boldy. Biraq Djeısıdi qolǵa túsip, qamalǵan ýaqyty 2014 jylǵy tamyz aıy bolǵandyqtan, ol bıylǵy aqpanda jazasy merzimin tolyq ótep bitirdi. Kınoakterdiń uly sol joly óziniń dosy, Taıvannyń televızııalyq akteri Kaı Komen birge ustalǵan edi. Medısınalyq tekserý olardyń marıhýana shegip alǵandaryn anyqtady. Keıin quqyq qorǵaý organdarynyń qyzmetkerleri kishi Channyń úıinen 100 gramǵa jýyq esirtki taýyp aldy. Jergilikti zańǵa sáıkes eki dosqa úsh jylǵa deıin bas bostandyǵynan aırylý jazasy tónip turdy. Djeısı Chan Los-Andjeleste týǵan, bı men akterlik ónerdi, sondaı-aq klassıkalyq gıtaramen oınaýdy oqyǵan. 2004 jyly óziniń birinshi albomyn, alty jyldan keıin ekinshisin shyǵardy. Ol birneshe kınoǵa da túsip úlgerdi, «Kýng-fý-panda» mýltfılmindegi tyrnanyń daýsyn saldy.. Murat Aıtqoja. Derek, sýret: TASS.