Atyraý qalalyq tótenshe jaǵdaılar basqarmasy bastyǵynyń orynbasary Sábıt Borashevtyń aıtýynsha, jazǵy kezeńde balalardy qaraýsyz qaldyrý ókinishke ulasar oqıǵaǵa uryndyrýy múmkin.
«Ata-analar balalaryn úıinde, sý aıdyndarynyń jaǵalaýynda qaraýsyz qaldyrady. Mundaı nemquraılyqtyń saldarynan opyq jeıtinin uǵysǵysy kelmeıdi. Máselen, byltyr Atyraý qalasynda shomylý maýsymynda 13 adam sýǵa batyp ketti. О́kinishke qaraı onyń ishinde kámeletke tolmaǵan 8 bala bar. Al 12 bala terezeden qulady», deıdi Sábıt Borashev.
Onyń aıtýyna qaraǵanda, bıyl oqys oqıǵanyń aldyn alý sharalary kúsheıtilgen.
«Sý aıdyndarynyń jaǵalaýyna 150-den astam eskertý belgisi ornatyldy. Endi taǵy qosymsha 50 belgini ornatý kózdelip otyr. Qutqarýshylar men polısııa qyzmetkerleri qaýipti aýmaqtardy baqylaýǵa alyp, kezekshilik júrgizip otyr», dedi Sábıt Borashev.
