Foto: Sý resýrstary jáne ırrıgasııa mınıstrligi
Eske salaıyq, Jańa Sý kodeksine Memleket basshysy bıyl 9 sáýirde qol qoıǵan edi. Aıta keteıik, atalǵan qujat 10 maýsymda kúshine enedi.
Atalǵan shara dıqandardy sýarmaly sýmen qamtamasyz etýdi jaqsartýǵa baǵyttalǵan.
Sala mınıstrliginiń málimetinshe, erigen qar sýyn jınaýǵa arnalǵan gıdrotehnıkalyq qurylymdar qaýipsizdik talaptaryna sáıkes bolyp, ózen-kóldermen jáne basqa da sý nysandarymen baılanyspaýy kerek ári qorshaǵan ortaǵa zııan keltirmeýi qajet. Qurylys aıaqtalǵannan keıin basseındik sý ınspeksııasyna habardar etilip, nysan arnaıy tizimge engizilip otyrady.
«Jańa Sý kodeksi Qazaqstandaǵy sý salasynyń barlyq baǵyttaryn qamtıdy. Onyń basty mindetteri – sý únemdeý jónindegi jalpyulttyq saıasatty qalyptastyrý jáne damytý, eldi mekenderde sýmen jabdyqtaý jáne sý burýdy retteý, balama sý kózderin (jańbyr jáne erigen qar sýlary, tazartylǵan aǵyn sýlar, tushytylǵan tuzdy sýlar) paıdalaný, sondaı-aq sý resýrstaryn qorǵaý men tıimdi paıdalaný deńgeıin arttyrý», dedi Sý saıasaty departamentiniń dırektory Serikjan Beketaev.
