Bul zoobaq Ońtústik aralda, Kraıstcherch qalasynyń mańynda ornalasqan, aýmaǵy — 80 gektar. Munda janýarlar tabıǵı tirshilik ortasyna óte jaqyn jaǵdaıda ómir súredi. Zoobaqtyń eń erekshe qyzmeti — arystandarmen qaýipti kezdesýge arnalǵan arnaıy ekskýrsııa. Iаǵnı qonaqtar áýeli temir torly arnaıy jáshikke otyrǵyzylady. Sodan soń jáshikti arystandar mekendeıtin aýmaqqa alyp kiredi. Sóıtip, arystandar tor ishindegi adamdardy aınalyp júredi, torǵa sekirip, ıiskelep, tipti tyrnap kóredi. Bul áser sizge ózińizdi torda otyrǵan ań sekildi, al arystandar — erkin júrgen baqylaýshylar sekildi sezindiredi.
