Sýret: qazdauiri.kz
Qasym-Jomart Toqaev budan bólek Arqalyqtaǵy áýejaıdy qalpyna keltirip, jańa aerovokzal salǵan jón ekenin atap ótti. «Bul joba ishki kólik qatynastaryn edáýir jaqsartady. Sondaı-aq ortalyq aımaqtaǵy aýyl sharýashylyǵy jerlerin ıgerýge, mal sharýashylyǵyn damytýǵa tyń serpin beredi», dedi Memleket basshysy.
Bul jańalyq shalǵaıda jatqan aýyl turǵyndaryn erekshe qýanyshqa bóledi. Másele jol baǵytyna aýysqandyqtan, jol azaby týraly bastan ótken bir oqıǵany aıta keteıin. Shamamen 1976–1977 jyldardaǵy mal qystatý kezi. Naýryz aıynyń aıaǵyna taman bizdiń Jangeldın aýdany óńirinde qys sozylyp, qoǵamdyq mal jaıylymǵa shyǵa almaı qaldy. Barlyq sharýashylyqta qysqa daıyndaǵan shóp taýsylǵan. Torǵaı oblysynyń basshylary soltústik aýdannyń birinshi jetekshilerimen aýdandy aralap, soltústikten óz tehnıkalarymen shóp tasýǵa kelisim jasady. Sol soltústik aýdannyń birinde sharýashylyq basshysy bolyp isteıtin syılas dosym keshkilik úıge kele qaldy. Ol aýdan ortalyǵynan 100 shaqyrymnan astam qashyqtyqtaǵy «Iýjnyı» keńsharyna shóp tıep jibergen tehnıkalarynyń sońynan kele jatyr eken.
Aýqattanyp alǵannan keıin keńshardyń alystyǵyn jáne kún keshkirip ketkenin tilge tıek etip, oǵan qonyp, tańerteń erte ketkenderiń durys dedim. Bul usynysyma kelisti. Ol jyldary Aqkól, Iýjnyı keńsharlaryna jol Besqopa qonysyn janaı týra shyǵatyn. Sol joldy kórgende dosym tańǵalyp: «Qoıshy bul jol emes, iz, adasyp ketemiz ǵoı» desin. Men, bizdiń aýdannyń 15 keńsharyndaǵy joldardyń qysy-jazy osy ekenin aıtqanymda, dosymnyń tili kúrmelip, aıtarǵa sózi bolmaı qaldy. Nesin jasyraıyn, ol kezeńde jalǵyz bizdiń aýdan ǵana emes shalǵaıda ornalasqan sharýashylyqtardaǵy joldyń jaıy osy kúıde bolatyn. Taqtaıdaı jolmen barar jerine kedergisiz jetip, jaıly jol júrýdi kim qalamaıdy deısiz.
Sondyqtan Astana, Arqalyq, Torǵaı jáne Yrǵyz arqyly Transkaspıı halyqaralyq avtokólik jolynyń qurylysyn bastaýǵa sheshim shyǵarǵan respýblıka basshylyǵyna eldiń rızashylyǵy sheksiz.
Kólik mınıstri Marat Qarabaev Jangeldın aýdanyna arnaıy barǵan saparynda: «Usynyp otyrǵan jobamyz boıynsha jol Astanadan Jantekege, odan Egindikólge barady. Ári qaraı Arqalyq qalasy men Amangeldi, Jangeldın aýdandary arqyly Yrǵyzǵa barady. Ekinshi sanatty, eni 9 metr bolatyn, eki jolaqty jol salamyz», degen edi. Alla sátin salyp, bastalatyn jol jobasy tolyq iske assa, aýyl halqy úshin úlken qýanysh bolmaq.
Torǵaı aýylynyń turǵyny, eńbek ardageri Toıǵanbol Nurhanov osy irgeli joba halyqtyń kópten bergi armany ekenin aıtady. «Torǵaı óńiriniń halqy óte qýanyshty. Bul – birneshe jyldan beri oılaǵan bizdiń armanymyz. Onyń syrtynda Arqalyqtaǵy áýejaı qaıtadan qalpyna keltirilmek. Buǵan da qýanyp otyrmyz. Osy jol salynsa Torǵaıdyń tynys-tirshiligi keńeıip, jaqsara túsedi. Kóshi-qon toqtaıdy. Halqymyz turaqtanady. Elimiz kórkeıedi dep senemiz», dedi ol. Sondaı-aq Arqalyq qalasynyń qurmetti azamaty Shóptibaı Baıdildın de bul – tek jol qurylysy ǵana emes, Torǵaı eli damýynyń jańa kezeńi ekenin jetkizdi.
Ne jasyratyny bar, jas birazǵa kelse de, qazaǵymnyń qara qazanynda qaınap ósken biz – ardagerler áli de bolsa birligimizdiń, tatýlyǵymyzdyń negizi aýyldy órkendetý máselesine basa mán berip, osy baǵytta tıisti organdarǵa naqty usynystar jasap júrgen tulǵalarǵa kóńil aýdaryp otyramyz. Sondaı tulǵanyń biri – Parlament Májilisiniń depýtaty Berik Beısenǵalıev.
Berik Tursynbekuly – elimizge tanymal ekonomıst-ǵalym. Ol Parlament Májilisiniń depýtaty bolyp saılanǵannan keıin Torǵaı jurtynyń muń-muqtajyn jerine jetkize aıtyp júr.
Sońǵy eki-úsh jylda, Berik Tursynbekulynyń: «...Astana-Arqalyq-Torǵaı-Yrǵyz arqyly Qandyaǵashqa deıin Ortalyq-Batys kólik dálizin qurý jobasy boıynsha avtojol salý jáne rekonstrýksııalaý máselesi ózekti. Jańa kólik dálizi keleshekte Qazaqstannyń ortalyq jáne batys óńirleriniń teńgerimdi damýyna yqpal etýge tıis...»; «...Torǵaı óńiriniń áleýmettik-ekonomıkalyq damýy jáne óńiraralyq logıstıkany kúsheıtý, týrızm salasy men shaǵyn jáne orta bıznes jumysyn jandandyrý úshin Arqalyq qalasynyń buzylyp, jekeniń qolyna satylyp ketken áýejaıyn qaıta qalpyna keltirý qajet...» dep Úkimet basshysyna joldaǵan birneshe dúrkin depýtattyq saýaldaryn da buqaralyq aqparat quraldary arqyly jaqsy bilemiz.
«Aýdan ortalyǵyndaǵy «Baldyrǵan» balabaqshasynyń jóndeý jumystaryn baqyladym. Odan bólek, Q.Qaıdosov orta mektebinde ashana men sport zaly jóndelmek. Sýjarǵan, Shegen, Shıli aýyldarynda aýyzsý qondyrǵysynyń qurylysy, Táýish jáne Aqshyǵanaq aýyldarynda FOK qurylysy júrgizilmek. Bul jumys partııamyzdyń «Jol kartasyna» engizilgen. El ıgiligine tutynatyn nysandar jańaryp jatyr. Bul óte qýanyshty jańalyq. Eldiń eńsesi kóterilip, kóshi -qon máselesi toqtaıdy degen úmittemin. Aldaǵy 2025 jyly jerles, alash arysy M. Dýlatulynyń 140 jyldyq mereıtoıy. Arnaıy Bıdaıyq aýylyna baryp, alash qaıratkeriniń rýhyna duǵa baǵyshtap, tarıhı murajaıymen tanystym. Keshendi jospar ázirlenýi kerek dep sanaımyn». Osyndaı mátinde jazylǵan Májilis depýtatynyń qolyma túsken kúndeliginen biraz syr aqtarýǵa bolady.
Merzimdi baspasóz betterinde jarııalanǵan Beriktiń ózi jazǵan «Torǵaı óńiriniń damýyna tyń serpin beredi» jáne t.b. kólemdi maqalalarynda qoǵamdy tolǵandyratyn ózekti máselelerdi kóterip, ekonomıka, áleýmettik saıasat, zań jáne tártip, ıdeologııalyq jumystar boıynsha júıeli sheshimderdi sheshýge jáne Prezıdent qozǵaǵan ınfraqurylymdyq jobalar, sıfrlandyrý, bilim, ekologııa bastamalaryna erekshe nazar aýdarǵan. Bul bastamalar óńirlerdiń damýyna serpin berip, halyqtyń ál-aýqatyn jaqsartýdyń negizi dep túıindeıdi.
Qoıshy SÁRSENKELDIN,
Jangeldın aýdanynyń qurmetti azamaty
Qostanaı oblysy
