Abaı oblysynan Alakólge qalaı jetýge bolady?
Tizimniń basynda temirjol tur. Máselen, Semeı – Dostyq arasynda №457/458 poıyzy taq kúnderi qatynaıdy. Sonymen qatar, Aqtoǵaı arqyly ótetin №6941/6942 poıyzy kún saıyn júredi. Bul baǵyttar Abaı óńiriniń turǵyndary úshin eń tıimdi joldardyń biri sanalady.
Al avtokólikpen qatynaǵysy keletinderge de jol ashyq. Abaı oblysy arqyly Alakólge jetýdiń eń qolaıly joly – «Taskesken – Baqty» avtojolymen Maqanshy aýylyna deıin (133 km), odan ári jańartylǵan «Maqanshy – Jalańashkól» jolymen Alakóldiń soltústik jaǵalaýyna jetýge bolady. Bul baǵyttaǵy asfalt jańartylǵan, jol sapasy da jaqsy.
Buǵan endi áýe qatynasy qosyldy. SCAT áýe kompanııasy 1 maýsymnan bastap Úrjarǵa sýbsıdııalanǵan reısterdi bastaıdy. Almaty men Astana qalalarynan aptasyna 6 ret ushatyn bul reısterdiń bılet quny qoljetimdi: Almaty – Úrjar baǵyty boıynsha 14 myń teńge, Astana – Úrjar baǵytynda 16 myń teńge. Úrjardan kólge deıingi qashyqtyq – nebári 50 shaqyrym.
Jalpy jazǵy maýsymda Alakólge poıyzben barýǵa 13 baǵyt qarastyrylǵan. Olardyń toǵyzy kezeńdik. Almatydan – bes, Astanadan – úsh, Pavlodar, Qyzylorda, О́skemennen qatynaıtyn poıyzdar bar. Al avtomobılmen baratyndar úshin «Taldyqorǵan – О́skemen» kúre joly – taǵy bir balama jol. Jetisý jaǵynan Úsharal arqyly, odan keıin jańartylǵan 180 shaqyrymdyq «Úsharal – Dostyq» jolymen kóldiń ońtústik jaǵalaýyna jetýge bolady.
Abaı oblysy
